,, გინდათ დაიწიოს ფასებმა და ხალხმა შვება იგრძნოს?” – ზვიად ტომარაძე

,,ერი და სახელმწიფოს” დამფუძნებელი ზვიად ტომარაძე:

,,გინდათ დაიწიოს ფასებმა და ხალხმა შვება იგრძნოს? კომისია კი არ უნდა შექმნათ, არამედ იმოქმედოთ:

1) აკრძალეთ სლოტ–კლუბები და ონლაინ აზარტული თამაშები, რითაც რამდენიმე მილიარდის ლარის ქვეყნიდან გასვლას შეაჩერებთ;
2) საპენსიო ფონდის ფულით შექმენით სახელმწიფო ბანკი და არსებულ კომერციულ ბანკებს მადა დაუოკეთ, მათი მფლობელებიც ძირითადად უცხოელები არიან და ასევე დიდძალი ფულის ქვეყნიდან გასვლას შეაჩერებთ;
3) შეამცირეთ პარლამენტართა რიცხოვნობა, არაფერში გვჭირდება 150 კაციანი პარლამენტი, 80 კაციც სრულიად საკმარისია, რითაც მილიონები დაიზოგება;
4) გააუქმეთ სემეკი, საკონსტიტუციო სასამართლო და სხვა არაფრისმკეთებელი მუქთამაჭამელები;
5) შეამცირეთ სამინისტროში გაბერილი შტატები და უამრავი სიპები, სადაც საახლობლო გყავთ დასაქმებული;
6) გააუქმეთ გლდანის ბიტკოინის მწარმოებელ კომპანიას თავისუფალი ეკონომიკის სტატუსი და გადაახდევინეთ დენის საფასური, ახლა რომ მოსახლეობას ახდევინებთ;
7) დაწიეთ გაზის გადასახადი, თავისუფლად შესაძლებელია, რადგან მოხმარებული გაზის მესამედს აზერბაიჯანი ტრანზიტის სანაცვლოდ გვაძლევს. დენის და გაზის ტარიფის დაწევა ყველაფერზე დაწევს ფასებს;
8) შექმენით სასურსათო უსაფრთხოება და ყოველწლიურად 1,7 მილიარდი ლარის იმპორტი ჩაანაცვლეთ ადგილობრივი სოფლის მეურნეობის პროდუქციით, ესეც თავისუფლად შესაძლებელია, მხოლოდ პოლიტიკური ნებაა საჭირო;
9) მოაწყვეთ “ემიგრანტ ქართველ ბინესმენთა კონგრესი” და ყველას ვინც ფულს ჩადებს ეკონომიკაში, ქარხანა–ფაბრიკის შექმნაში, გაათავისუფლეთ 2 წლით გადასახადისგან, რაც სამუშაო ადგილებს შექმნის;
10) დაელაპარაკეთ საერთაშორისო წამყვან მწარმოებელ ბრენდებს და შესთავაზეთ საქართველოში წარმოების ფილიალების გახსნა და ასევე დააინტერესეთ სხვადასხვა შეღავათებით!

3,7 მილიონი ქვეყნის ფეხზე დაყენებას მხოლოდ სურვილი და მონდომება სჭირდება, მაგრამ როგორც მანერჰეიმი ამბობდა: “ამის გასაკეთებლად სათავეში პატრიოტი კაცია საჭირო, ვაჭრუკანების და კარიერისტების აშენებული ქვეყანა არავის უნახავს”.