უკრაინის, აშშ-ისა და რუსეთის მონაწილეობით სამმხრივი მოლაპარაკებების მომდევნო რაუნდი 4–5 თებერვალს არაბთა გაერთიანებულ საემიროებში უნდა გაიმართოს. ამის შესახებ უკრაინის პრეზიდენტმა ვოლოდიმირ ზელენსკიმ სოციალურ ქსელ Facebook-ზე განაცხადა.
კერძოდ, სახელმწიფოს მეთაურმა აღნიშნა, რომ ახლახან მოისმინა უკრაინული მომლაპააკებლების ჯგუფის ანგარიში.
„განსაზღვრულია სამმხრივი შეხვედრების მომდევნო თარიღები – 4 და 5 თებერვალი აბუ-დაბიში. უკრაინა მზად არის საგნობრივი საუბრისთვის და დაინტერესებულია, რომ შედეგმა რეალურ და ღირსეულ მშვიდობასთან დაგვაახლოვოს“, — განაცხადა ზელენსკიმ.
მან ასევე მადლობა გადაუხადა ყველას, ვინც უკრაინას ეხმარება.
კომენტარები