აბუ დაბიში გრძელდება რუსეთის, უკრაინისა და ამერიკის დელეგაციების სამმხრივი შეხვედრა. პირველი აუდიენციის შემდეგ, სამი ქვეყნის წარმომადგენელი დღეს, მეორე დისკუსიას გამართავს ომის დასრულების შესახებ.
უკრაინის ეროვნული უსაფრთხოებისა და თავდაცვის საბჭოს მდივანიის რუსტემ უმეროვის განცხადებით, გუშინ მხარეებმა განიხილეს რუსეთის ომის დასრულების პარამეტრები და მოლაპარაკების პროცესის შემდგომი ლოგიკა ღირსეული და ხანგრძლივი მშვიდობისკენ მიახლოების მიზნით.
აბუ დაბიში გამართული პირველი სამმხრივი შეხვედრა უკვე შეფასებულია როგორც პროდუქტიული.
„აბუ დაბიში კირილ ბუდანოვთან, დავით არახამიასთან და სერგეი კისლიცასთან ერთად მონაწილეობა მივიღეთ სამმხრივ შეხვედრაში. ვაფასებთ ამერიკელების შუამდგომლობას. აშშ-ის მხრიდან კონსულტაციებში მონაწილეობა მიიღეს სპეციალურმა წარმომადგენელმა სტივ უიტკოფმა, ჯარედ კუშნერმა, ჯოშ გრუენბაუმმა, გენერალმა დენ დრისკოლმა და გენერალმა ალექს გრინკევიჩმა. რუსულ დელეგაციაში იყვნენ სამხედრო დაზვერვისა და არმიის წარმომადგენლები,” – წერს უმეროვი.
კომენტარები