სუსი ვეფხია კასრაძის გამოკითხვას აანონსებს. ამის შესახებ განცხადებას მდინარაძის უწყება ავრცელებს. საქმე ეხება სინდისის პატიმრის განცხადებას, რომელმაც თქვა, რომ სუსი მისი 11 წლის შვილის გატაცებას გეგმავდა.
სუსი წერს, რომ კასრაძის გამოკითხვის მოთხოვნით პროკურატურაას უკვე მიმართა და ხაზს უსვამს, რომ აღნიშნული საკითხი დეტალურ შესწავლას საჭიროებს.
“სახელმწიფო უსაფრთხოების სამსახურმა ვეფხია კასრაძის განცხადებასთან დაკავშირებით უკვე მიმართა პროკურატურას, რათა უმოკლეს ვადაში მოხდეს განცხადების ავტორის გამოკითხვა და დადგინდეს, რასთან გვაქვს საქმე სინამდვილეში – ერთი მხრივ, თეორიულადაც რომ დავუშვათ განცხადებაში მოტანილი ფაქტების სისწორე, ის დეტალურად არის გამოსაძიებელი, მეორე მხრივ კი არ შეიძლება ვინმეს შეეძლოს საკუთარი ქვეყნის სპეცსამსახურს ასე ხელაღებით დააბრალოს სასტიკი დანაშაული. ორივე შემთხვევაში გაკეთებული განცხადება დეტალურ შესწავლას, მეტ კონკრეტიკას და ოდნავი დეტალიზაციის შემთხვევაშიც კი, სრულყოფილ გამოძიებას საჭიროებს, – ნათქვამია განცხადებაში.
კომენტარები