თბილისში ახალგაზრდა ქალის მკვლელობის ახალი დეტალები ხდება ცნობილი – ირკვევა რომ მეზობელი მამაკაცი, ქალს და სხვა მეზობლებს ერთი კვირის განმავლობაში ემუქრებოდა.
ადგილზე ყვებიან, რომ მკვლელობაში ბრალდებული წარსულში ნასამართლევია და იძულებით სამკურნალოდ ხონის ფსიაქიატრიულში იყო გაგზავნილი. გათვისუფლების შემდეგ კი არაერთ პირის მიმართ მუდმივად აგრესიული იყო.
მეზობლები ხშირად რეკავდნენ 112-ში, მოდიოდნენ, 34 წლის კაცი გადაჰყავდათ ფსიქიატრიულში, თუმცა ორ დღეში უკან ბრუნდებოდა.
ეს პირველი შემთხვევა არ არის. ემუქრებოდა ამ გოგოს მუდმივად, ეუბნებოდა მინდიხარო. ატყდა მთელი ეზო, ცოდოაო და აპატიეს და არ უჩივლეს. ახლა აპატიონ. იწვა და იჯდა კიდეც ციხეში, მკვლელობა არა მაგრამ დაჭრაზე. 2 დღე და უშვებდენ ფსიქიატრიულიდან, არ ხართ ჩვენი პაციენტიო”, – ამბობს ადგილობრივი.
საშიში იყო კი, ერთი პირი კი ნორმალურად იყო, მაგრამ, ძაან საშიში და არეული თვალებით იყურებოდა, თავში ერტყობა ესმის ხმები ის პერიოდი, ეტყობა წამლებს რომ არ სვამს. იმ დღეს ეს გოგო შეხვდა, ალბათ სხვა რომ შეხვედროდა, სხვას მოკლავდა. მეზობლებზე აგრესიული იყო ძალიან, ადრეც გამოძახებდნენ, დააწვენდნენ და მერე გამოდიდა. დედამისმა თქვა, ჩემი შვილია ამირანიო, დანა დაარტა და დამღუპაო. ვაგზლის ტერიტორიაზე გაქცეულა”- აცხადებს მეზობელი.
ეს საწყალი გოგო შემთხვევით შეხვედრია. საერთოდ არც კი იცნობდნენ ერთმანეთს მეზობლები იყვნენ უბრალოდ. დედა მესანთლე ჰყავს მგონი აქ რუსული ეკლესიის მსახურია. ეს გოგო ხშირად დადიოდა ეკლესიაში. ეს ბიჭი ბავშვობიდან პრობლემური იყო. სახლის წინ იდგა სულ ხან სიგარეტს გვთხოვდა ხან რას ხან რას. გამარჯობას ამბობდა ამის იქით არ ვურთიერთობდი. მძიმე მდგომარეობა ჰქონდა ძალიან”- ეუბნება “პირვლებს” ადგილობრივი.
34 წლის კაცი, რომელმაც ქალის მკვლელობის შემდეგ მიმალვა სცადა, პოლიციამ თბილისი ცენტრალის მიმდებარე ტერიტორიაზე დააკავა. ის ახლა ბრალის წარდგენას ელოდება.
მოკლული ქალის ცხედარი კი პროზექტურიდან საკუთარ სახლში გადაასვენეს.
მკვლელობა თბილისში, ტოვსტონოგოვის ქუჩაზე გუშინ მოხდა. გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.
კომენტარები