შსს პოლიციელებისთვის დამატებით 300 სამკერდე კამერას ყიდულობს – გამარტივებული შესყიდვის ღირებულება ღირებულება ნახევარ მილიონ აჭარბებს და 575 700 ლარია.
შესყიდვის დოკუმენტაციის მიხედვით, ერთი სამხრე კამერის ღირებულება 1 919 ლარია.
კომპანია, რომლისგანაც შინაგან საქმეთა სამინისტრო სამხრე კამერებს ყიდულობს, შპს „ენ ჯი თი ჯგუფია”, “AXON”-ის ერთადერთი ოფიციალური წარმომადგენელი საქართველოში.
საპატრულო პოლიციის თანამშრომლები 2018 წლიდან იყენებენ ამერიკული კომპანია “AXON”-ის სამხრე კამერას – შსს-ს ინფორმაციით, სულ ჯამში სისტემას 3260 “BODY 2” მოდელის სამკერდე კამერა აქვს;
შსს შესყიდვის აუცილებლობას საპატრულო პოლიციის დეპარტამენტში პატრულ-ინსპექტორთა გაზრდილი პირადი შემადგენლობით და დაზიანებული კამერების ჩანაცვლების საჭიროებით ხსნის.
ამ კამერებს ხელოვნური ინტელექტის მხარდაჭერა სახის ამოცნობის პროცესში არ აქვს და ძირითადად მაღალი ხარისხის ხანგრძლივი ვიდეოჩანაწერების გასაკეთებლად გამოიყენება, თუმცა მისთვის განკუთვნილი პროგრამული მხარდაჭერა საშუალებას იძლევა ამ კამერების მიერ გადაღებული ვიდეოების Axon Evidence-ში (რომელიც არის Axon-ის ცენტრალური cloud-პლატფორმა) ატვირთვის შემდეგ მოხდეს როგორც ხმის, ისე გამოსახულების დამუშავება ხელოვნური ინტელექტის მიერ – ანგარიში, რომელიც სისტემას შეუძლია მოამზადოს თითოეულ ჩანაწერზე, საბოლოოდ ადამიანის მხრიდან გადამოწმებისა და დადასტურების შემდეგ მზადდება.
კომენტარები