გარდაბანში 16 წლის მოზარდის მკვლელობის მცდელობა ქურდული სამყაროს დავალებით და შურისძიების მოტივით დაიგეგმა – დანაშაულის მიზანი ბიზნესმენის შურისძიება იყო.
გამოძიების მიხედვით, მსხვერპლის მამას, რომელიც გარდაბანში მაღაზიის მფლობელია, კრიმინალური ავტორიტეტი ელმურაზ მამედოვი, რომელიც საზღვარგარეთ იმყოფება, თვეების განმავლობაში ემუქრებოდა და 100 000 დოლარის გადახდას სთხოვდნენ. უარის შემდეგ, დამკვეთმა შურისძიება შვილზე გადაწყვიტა.
მოზარდს მინდორში ჩაუსაფრდნენ და ცეცხლსასროლი იარაღიდან რამდენჯერმე ესროლეს. არასრულწლოვანი გადარჩა და გამოძიებას უკვე მისცა ჩვენება. დაცხრილული ავტომობილი ექსპერტიზაზეა გადაყვანილი.
მომხდარზე დაკავებულია 1 პირი, რომელიც ადგილობრივებმა თავად დააკავეს და შსს-ს გადასცეს. საქმის კიდევ ერთ ფიგურანტს პოლიცია ამ დრომდე ეძებს.
“პირველად როცა მივიდა, დაინახა, რომ მანქანა იყო გაჩერებული. მამამისს შეატყობინა, რომ ასე და ასეაო. მამამისმა უთხრა, რომ არ შეგეშინდეს, გააკეთე, რაც გასაკეთებელია და მობრუნდი უკან, სახლში. უკან რომ დაბრუნდა, გზაში დახვდნენ ისინი, ვინც ესროლეს. დაახლოებით 15-16 წლის არის, არასრულწლოვანია. ჩემი აზრით, დასახვრეტად ისროდნენ, მანქანაც ცუდ მდგომარეობაშია, ფანჯრები ჩამსხვრეულია. დავიწყეთ ძებნა, სოფლებში ვეძებეთ, ახსოვდა მანქანის ნომერი და მაგ ნორმით დავიწყეთ ძებნა. გზად პოლიციის თანამშრომლებსაც შევატყობინეთ. ჩვენ დავიჭირეთ ეს მანქანა და მოვიდნენ თანამშრომლები და დააკავეს, – ყვება არასრულწლოვნის ბიძაშვილი.
დანაშაულის დამტკიცების შემთხვევაში ბრალდებულებს 15 წლამდე პატიმრობა ემუქრებათ.
კომენტარები