ლუისვილის საერთაშორისო აეროპორტიდან (მუჰამად ალის სახელობის) აფრენისას ჩამოვარდა სატვირთო თვითმფრინავი McDonnell Douglas MD-11, რომელიც გონოლულუსკენ მიფრინავდა.
Associated Press-ის ინფორმაციით, კატასტროფას შვიდი ადამიანი ემსხვერპლა, ხოლო თერთმეტი მძიმედ დაშავდა.
ლუისვილის სახანძრო სამსახურის უფროსის თქმით, ოთხი დაღუპული მიწაზე ნახეს, როცა თვითმფრინავი აფეთქდა და ცეცხლმა მთელი კვარტალი მოიცვა.
მოწმეების მიერ გადაღებულ ვიდეოებში ჩანს, როგორ იფრქვევა ცეცხლი თვითმფრინავის მარცხენა ფრთიდან, რამდენიმე წამში კი ხომალდი ეცემა და წარმოიქმნება დიდი ცეცხლის ბურთი.
ექსპერტთა შეფასებით, აფეთქება მოხდა ძრავთან გაჩენილი ხანძრისა და დიდი რაოდენობით საწვავის გამო. ლუისვილის აეროპორტი დროებით დაიხურა და, როგორც ირკვევა, მუშაობას დღეს დილით განაახლებს.
კომენტარები