არის მსხვერპლი, არიან დაშავებულებიც – ძლიერ მიწისძვრა ავღანეთში

ავღანელი ოფიციალური პირების თქმით, ქვეყნის ჩრდილო-აღმოსავლეთში მდებარე ქალაქ მაზარ-ი-შარიფთან მომხდარი 6.3 მაგნიტუდის სიმძლავრის მიწისძვრის შედეგად, სულ მცირე, 10 ადამიანი გარდაიცვალა, ხოლო 260-მდე დაშავდა, თუმცა, მსხვერპლთა რაოდენობა, დიდი ალბათობით, უფრო მაღალია.

აშშ-ს გეოლოგიური სამსახურის მიხედვით, მიწისძვრა 28 კილომეტრის სიღრმეზე მოხდა, მაზარ-ი-შარიფის სიახლოვეს, რომლის მოსახლეობაც დაახლოებით 523 000-ს შეადგენს.

ავღანეთის თალიბანის თავდაცვის სამინისტროში განაცხადეს, რომ მიწისძვრა ყველაზე მეტად ბალხისა და სამანგანის პროვინციებს შეეხო, ხოლო ჯანდაცვის სამინისტროს სპიკერის თქმით, ადგილზე სამაშველო ჯგუფები მუშაობენ და დაამატა, რომ მსხვერპლთა რაოდენობა შესაძლოა, გაიზარდოს.