ინფექციონისტი, მაია ბუწაშვილი პირბადის ტარების აუცილებლობაზე საუბრობს – როგორც ექიმი სოციალურ ქსელში წერს, ახლა რესპირატორული ვირუსების შემოტევაა, ამიტომაც პირბადის აკრძალვა არასწორია.
ბუწაშვილი ამბობს, რომ პირბადის გარეშე საზოგადოებრივი თავშეყრის ადგილებში ყოფნა გასანკუთრებით რისკის შემცველი ქრონიკული დაავადებების მქონე ადამიანებისთვისაა.
საზოგადოებრივი თავშეყრის ადგილებში სამედიცინო ნიღბის აკრძალვა, მითუმეტეს ამ სეზონზე, როცა რესტირატორული ვირუსების შემოტევაა, არასწორია.
ეს განსაკუთრებით პრობლემურია ქრონიკული დაავადებების მქონე ადამიანებისთვის, ვისთვისაც გრიპი და სხვა რესპირატორული ვირუსები შეიძლება სერიოზული გართულებით წარიმართოს.
ახლა არ შემომივარდეთ, თუ ქრონიკული დაავადება აქვს ადამიანს, საზოგადოებრივი თავშეყრის ადგილზე რა უნდაო”, – წერს ბუწაშვილი.
ცნობისთვის, რამდენიმე ღამეა პოლიცია რუსთაველის გამზირზე მოქალაქეებს სამედიცინო პირბადის ტარების გამო აჩერებს.
კომენტარები