ირაკლი კობახიძე გუშინ მეტეხის ხიდთან მომხდარ თავდასხმას ეხმიანება და ამტკიცებს, რომ პროევროპული აქციების მონაწილეებმა პროვოკაცია თავად მოაწყვეს. “ოცნების” ლიდერის თქმით, თავდამსხმელები მოგერიების რეჟიმში იყვნენ და რკინის ნივთიც შემთხვევით იპოვეს.
კობახიძე ასევე ამბობს, რომ ნარმანიამ, რომელიც ადგილზე 20 კაცთან ერთად იყო, ისიც ვერ მოახერხა, რომ თავში რკინის ნივთი არ მოხვედროდა.
იმიტომ, რომ ნაცია, – ამბობს კობახიძე.
“ეს არის სამარცხვინო. მოხდა ასეთი რამ: ეს ადამიანები იყვნენ იყვნენ მისული მეტეხის მიმდებარედ, გამოვიდა მესანთლე ქალი ეკლესიის მიმდებარედ და სთხოვა, გადაეყენებინათ მანქანები, რაზეც მათ უპასუხეს შეურაცხყოფით. გამოესარჩლა ორი ადამიანი ამ ქალბატონს და 20 კაცმა 2 ადამიანი სცემა. მოგერიების დროს მას უპასუხეს. 20 კაცი ოპრს ურტყამდა. ისიც კი ვერ მოახერხა, რომ 20 2 ზე იყვნენ და თავში არ მოხვედროდა, ეგეც კი ვერ მოახერხა, იმიტომ, რომ ნაცია. კონკრეტული ნივთი, რაც ხელში მოხვდა ადამიანს. რაც ხელში მოხვდა, იმით დაიცვა თავი, მანქანასთან იპოვა ეს კონკრეტული ნივთი”, – ამბობს კობახიძე.
შეგახსენებთ, რომ გუშინ, მეტეხის ხიდზე განცხადების გასაკეთებლად შეკრებილ სტუდენტებს ე.წ. ტიტუშკები თავს დაესხნენ და ფიზიკურად გაუსწორდნენ.
ნაცემია იგორ ნარმანია, ასევე, დაშავებულია არასრულწლოვანი ანდრია ხამაშურიძეც.
კომენტარები