გარდაიცვალა ცნობილი დირიჟორი პაპუნა ღვაბერიძე, ამის თაობაზე ინფორმაცია თბილისის ოპერისა და ბალეტის თეატრმა გაავრცელა.
“თბილისის ოპერისა და ბალეტის თეატრის მთელი კოლექტივი შეძრწუნებულია თავზარდამცემი ფაქტის გამო.
გარდაიცვალა თეატრის წამყვანი დირიჟორი პაპუნა ღვაბერიძე.
ვუსამძიმრებთ მის ოჯახს, ახლობლებს და მთელს თეატრს“, – წერია გავრცელებულ ინფორმაციაში.
პაპუნა ღვაბერიძე 1969 წელს, თბილისში დაიბადა. დაამთავრა 113-ე საშუალო სკოლა და 112-ე სკოლასთან არსებული მე-4 მუსიკალურის სასწავლებელი, რის შემდეგაც სწავლა გააგრძელა თბილისის სახელმწიფო კონსერვატორიის აკადემიური გუნდის დირიჟორობის ფაკულტეტზე გივი ბოლაშვილის ხელმძღვანელობით. ასევე დაამთავრა ასპირანტურა საოპერო და სიმფონიურ დირიჟორობის მიმართულებით – გივი და ზაზა აზმაიფარაშვილების ხელმძღვანელობით. იყო ამავე მიმართულების ასოცირებული პროფესორი.
შემოქმედებითი კარიერა, როგორც საგუნდო დირიჟორმა, 2000 წელს, ნიკო სულხანიშვილის სახელობის ეროვნულ საგუნდო კაპელაში დაიწყო, სადაც ექვსი წლის განმავლობაში მუშაობდა. 2005-2007 წლებში ქუთაისის მ. ბალანჩივაძის სახელობის საოპერო თეატრის მუსიკალური ხელმძღვანელი და მთავარი დირიჟორი, ხოლო 2011 წლიდან – ამავე თეატრის მოწვეული დირიჟორი იყო. ქუთაისში, 2005-2006 წლებში, მან ჯუზეპე ვერდის “რიგოლეტოს“, 2011 წელს კი ოთარ თაქთაქიშვილის “მინდიას“ დადგმებს უხელმძღვანელა.
2013 წლიდან პაპუნა ღვაბერიძე თბილისის სახელმწიფო კონსერვატორიის საოპერო მომზადების კათედრის დირიჟორი იყო. 2014 წელს, აქ მან განახორციელა ვოლფგანგ ამადეუს მოცარტის “ფიგაროს ქორწინება“ და ჯაკომო პუჩინის “ბოჰემა“, 2019 წელს დოლიძის“ ქეთო და კოტე“, 2022 წელს პუჩინის “ჯანი სკიკი“. თბილისის საოპერო თეატრში იყო დამდგმელი დირიჟორი სპექტაკლებისა: ჩაიკოვსკის “მაკნატუნა“, ჰერტელის “ამაო სიფრთხილე“, რაველის “მედეა“, მინკუსის “ბაიადერა“.
2019 წელს რიგაში იდირიჟორა მინკუსის “დონ კიხოტი“,2022 წელს, საქართველოს სახელმწიფო ბალეტის გასტროლების ფარგლებში ტურინის საოპერო თეატრში იდირიჟორა “მაკნატუნას“ ათი, ბოლონიის თეატრში კი “დონ კიხოტის“ ხუთი სპექტაკლი. 2024 წლის იანვარში, სიცილიაზე, კატანიის მასიმო ბელინის თეატრში იდირიჟორა “გედების ტბის“ შვიდი სპექტაკლი. ამავე წელს, საქართველოს სახელმწიფო ბალეტის გასტროლების ფარგლებში, ინგლისის ნაციონალურ ორკესტრთან ერთად თანხლება გაუწია ამავე სპექტაკლის თხუთმეტ წარმოდგენას ლონდონის კოლიზეუმში და “მაკნატუნას“ ტოკიოს ბუნკა კაიკანის თეატრში














კომენტარები