“კოალიცია ცვლილებისთვის” წევრის და კორუფციის მკვლევარის, ბესიკ დონაძის განცხადებით, ის, რომ ბიჭიკო პაიკიძე შესაძლებელია სამართალდამცავ ორგანოებს გაქცეოდა აბსურდია. ბეიკ დონაძის თქმით, ის ქვეყნიდან გააპარას.
კორუფციის მკვლევარი ვარაუდობს, რომ შეიძლება ბიჭიკო პაიკიძე ქვეყნიდან რაღაცის სანაცვლოდ გააპარეს, მაგალითად ჩვენების, რომელიც მან უკვე მისცა სახელმწიფო უსაფრთხოების სამსახურს მის ხელმძღვანელებზე.
ბიჭიკო პაიკიძის კომპანიას, რომელიც ფულს ირებდა სახელმწიფო ბიუჯეტიდან, მისთვის მიღება-ჩაბარების აქტები, ანუ თანხმობა უნდა განეცხადებინა ზედამხედველ კომპანიას, ეს არის “ეგის ინთერნეიშენალი”, არის ფრანგული წარმოშობის კომპანია.
თუ ეს კომპანია არ დაუწერდა მიღება-ჩაბარებას, რომ ზუსტად ისე შეასრულა სამუშაოები, როგორც იყო ტენდერში მითითებული, სხვა შემთხვევაში ფულს ვერ მიიღებდა სახელმწიფო ბიუჯეტიდან.
კონკრეტულად ეს კომპანია, დღეს, საქართველოში ამოწმებს 45 მილიონის ღირებულების პროექტს, ანუ ძალიან ბევრ პროექტს ამოწმებს და აქ ეჭვქვეშ დგება იმ პროექტების ხარისხი და იმ პროექტებიდანაც ხომ არ არის მსგავსი თანხების თაღლითური დაუფლება.
თუ ამ საქმის გამოძიება მიდიოდა თუნდაც რამდენიმე თვის განმავლობაში, მაშინ ბიჭიკო პაიკიძეს ვერ უნდა მოეხერხებინა საქართველოს ტერიტორიის დატოვება მარტივი მიზეზის გამო, რომ მაგალიტად მას სახელმწიფო უსაფრთხოების სამსახური უბრალოდ არ გაუშვებდა საზღვარზე. ის, რომ ბიჭიკო პაიკიძე შესაძლებელია გაქცეულიყო სამართალდამცავ ორგანოებს, ეს არის აბსურდი, ის გააპარეს და შესაძლოა გააპარეს რღაცის სანაცვლოდ, მაგალითად ჩვენების სანაცვლოდ, რომელიც მან უკვე მისცა სუს-ს მის ხელმძღვანელ პირებზე, ან იმ ადამიანებზე ვისტანაც მას მიჰქონდა ფული,” – განაცხადა ბესიკ დონაძემ.
შეგახსენებთ, რომ 2021 წლის ივნისიდან 2022 წლის სექტემბრის ჩათვლით, რეგიონული განვითარებისა და ინფრასტრუქტურის სამინისტროს კუთვნილი 4 მილიონ ლარზე მეტი თანხის თაღლითურად დაუფლების ბრალდებით, კომპანია B.P. TRANS-ის დირექტორი ვალერიან კვარაცხელია დააკავეს. მასთან ერთად ბრალი წაუყენეს კომპანიის მფლობელს, ბიჭიკო პაიკაძეს, რომელიც სუს-ის ყოფილი უფროსის, გრიგოლ ლილუაშვილის ნათესავია.
კომენტარები