ვოლოდიმირ ზელენსკის განცხადებით, ნატოს წევრმა ქვეყნებმა უნდა უპასუხონ რუსული დრონების პოლონეთში შეჭრის ფაქტს.
„მე არ ვამბობ, რომ ნატო ჩავარდა. სადაც ნატოა, იქ ომი არ არის. მაგრამ ასეთი სიგნალები პასუხს მოითხოვს,“ – აღნიშნა უკრაინის პრეზიდენტმა.
მისი თქმით, ეს არ ნიშნავს, რომ ნატომ იარაღი უნდა გამოიყენოს, არამედ საჭიროა ძლიერი პოლიტიკური და პრაქტიკული ნაბიჯები.
ზელენსკის თქმით, ერთ-ერთი პასუხი შეიძლება იყოს ის, რომ უკრაინას მიაწოდონ იარაღი, რომელიც შეძლებს არა მხოლოდ დრონების ჩამოგდებას, არამედ იმ ქარხნების განადგურებას, სადაც ეს დრონები იწარმოება.
პრეზიდენტმა სანქციების გამკაცრებაზეც გაამახვილა ყურადღება:
„თუ რუსეთი რაკეტებისთვის საჭირო დეტალებს უცხოური კომპანიებისგან იღებს, ეს ზრდის მათ შესაძლებლობებს. გამოსავალია სანქციები ყველა კომპანიის მიმართ, ვინც ამ ნაწილებს აწვდის,“ – თქვა მან.
კომენტარები