გერმანიის კანცლერმა ფრიდრიხ მერცმა 28 აგვისტოს განაცხადა, რომ უკრაინის პრეზიდენტ ვოლოდიმირ ზელენსკისა და რუსეთის პრეზიდენტ ვლადიმირ პუტინს შორის ორმხრივი შეხვედრა არ შედგება.
“იმისგან განსხვავებით, რაზეც გასულ კვირას პრეზიდენტი ტრამპი და პრეზიდენტი პუტინი შეთანხმდნენ, როცა ჩვენ ვაშინგტონში ერთად ვიყავით, აშკარაა, რომ ეს პრეზიდენტ ზელენსკისა და პრეზიდენტ პუტინს შორის შეხვედრამდე არ მიგვიყვანს,” განაცხადა მერცმა საფრანგეთის პრეზიდენტ ემანუელ მაკრონთან ერთად სამიტის დაწყებამდე.
ცნობისთვის, აშშ-ს პრეზიდენტმა დონალდ ტრამპმა თეთრ სახლში ევროპელ ლიდერებთან შეხვედრის შემდეგ თქვა, რომ პუტინსა და ზელენსკის შორის შეხვედრის გამართვას უშუამავლა, თუმცა მას შემდეგ კრემლი მიანიშნებდა, რომ მსგავსი შეხვედრა ახლო მომავალში არ მოხდებოდა.
22 აგვისტოს ჩაწერილ ინტერვიუში რუსეთის საგარეო საქმეთა მინისტრმა, სერგეი ლავროვმა განაცხადა, რომ მსგავსი შეხვედრა “კარგად უნდა მომზადდეს” და ისიც დაამატა, რომ რუსეთსა და უკრაინას შორის სამშვიდობო შეთანხმებაზე ხელის მოსაწერად ზელენსკის ლეგიტიმაცია არ გააჩნია. ინტერვიუში ლავროვმა ზელენსკი “რეჟიმის დე ფაქტო მეთაურად” დაახასიათა.
ლავროვის თქმით, რუსეთთან შეთანხმებაზე ხელმოსაწერად ზელენსკის ლეგიტიმაცია არ აქვსთავის მხრივ, 25 აგვისტოს თეთრ სახლში სამხრეთ კორეის პრეზიდენტთან შეხვედრისას ტრამპმა ჟურნალისტებს განუცხადა, რომ თუკი რუსეთის და უკრაინის პრეზიდენტები ერთმანეთს არ შეხვდებიან, ამას რუსეთისთვის “ძალიან დიდი შედეგები” შეიძლება მოჰყვეს.
კომენტარები