ამერიკის შეერთებული შტატების ხაზინის მდივანმა, სკოტ ბესენტმა ევროპას რუსეთისთვის მეორადი ტარიფების დაწესებისკენ მოუწოდა, იმ შემთხვევაში, თუ შესაბამის კანონპროექტს შეერთებული შტატები მიიღებს.
ბესენტის თქმით, ვაშინგტონს ჯერ ზუსტად არ აქვს განსაზღვრული ვადები – იქნება ეს 10, 30 თუ 50 დღე – მაგრამ ნებისმიერი ქვეყანა, რომელიც სანქცირებული რუსული ნავთობის შეძენას გააგრძელებს, მეორად ტარიფებს დაექვემდებარება.
„ახლა ამერიკის სენატიც ეთანხმება პრეზიდენტ ტრამპს იმაში, რომ ტარიფები შეიძლება პოლიტიკურ მიზნებთან მისაღწევი გზები იყოს. და ეს არის რევოლუციური ცვლილება. ტრამპმა ამ საკითხზე ახალი დისკუსია წამოიწყო. ამიტომ მოვუწოდებ ჩვენ ევროპელ მოკავშირეებს, რომლებიც ხშირად საუბრობდნენ ხმამაღლა, რომ ჩვენ, რომ ტარიფებს დავაწესებთ, მათაც მოგვბაძონ“, – თქვა ბესენტმა.
კომენტარები