ფილოლოგი გია მურღულია სოციალურ ქსელში წერს:
„ფეისბუქში ყველაფერზე კამათობენ – იმაზეც, უნდა ასწავლო თუ არა ქართულ სკოლაში “ვეფხისტყაოსანი”. მოწინააღმდეგეთა ერთი მთავარი “არგუმენტი” ის არის, რომ, თურმე, ეს პოემა “სისულელეა” (ამ სიტყვაზე გაცილებით მძაფრი უცენზურობა წერია), “ფაშისტური” სისაძაგლეებით გამოირჩევა და მასში ადამიანის თემა საერთოდ არ ჩანს.
ვერაფერს ვიტყვი ამ “კამათის” აქტიურ მონაწილეთა შედარებით აგრესიული ნაწილის განათლებასა და მხატვრული ტექსტის აღქმის, ანალიზისა თუ შეფასების კულტურაზე – ყველას აქვს კონსტიტუციური უფლება, საჯაროდ გამოფინოს საკუთარი, ნაკლებად მომხიბვლელი, სახე და ათასი საჭირო რამის სიმწირე.
ერთი კი აუცილებლად უნდა ითქვას:
წადით, ბიძია, თქვენ შესაფერის საქმეს მიხედეთ.
“ვეფხისტყაოსანს” თქვენი ფიქრი, მშვენიერების განცდის უნარი და ზნეობა ვერ შესწვდება – ამათი განაწილების დროს ღმერთმა უსაშველოდ დაგივიწყათ.“
კომენტარები