პარლამენტის ყოფილი თავმჯდომარის ირაკლი კობახიძის თქმით, საარჩევნო მოდელთან დაკავშირებით საკონსტიტუციო ცვლილებეს “ქართული ოცნების” მხარდაჭერა ექნება. რაც შეეხება ოპოზიციას, კობახიძის თქმით, მათ ოპონენტებს შეუძლიათ თავიანთი “საყვარელი” სისტემა დატოვონ. თუმცა ცვლილებების ჩავარდნის შემთხვევაში კობახიძე პასუხისმგებლობას ოპოზიციას აკისრებს. მისი თქმით, საკონსტიტუციო ცვლილებები კენჭისყრაზე სამი მოსმენით ივნისის ბოლოს გავა.
“საკონსტიტუციო ცვლილებებს ჩვენი მხრიდან სრული მხარდაჭერა ექნება. რაც შეეხება ოპოზიციას, ბუნებრივია, ეს მათი გადასწყვეტია. მათ შეუძლიათ დატოვონ მათი საყვარელი სისტემა, რომელსაც ისინი უფრთხილდებოდნენ თავიანთი მმართველობის პერიოდში, ჯერ როდესაც იყვნენ ხელისუფლებაში შევარდნაძის დროს, როდესაც მთლიანად მოვიდნენ ხელისუფლებაში, ეს მათი არჩევანია. თუ მათი არჩევანის საფუძველზე ჩავარდება საკონსტიტუციო ცვლილებები, ბუნებრივია, ეს იქნება მათი პასუხისმგებლობა. ჩვენ ჩვენი სრული პასუხისმგებლობით მოვეკიდებით ამ საქმეს”, – ამბობს კობახიძე.
კომენტარები