კიევის ბავშვთა საავადმყოფოზე მიტანილ სარაკეტო იერიშს, შეერთებული შტატების პრეზიდენტი გამოეხმაურა. ჯო ბაიდენის საგანგებო განცხადება თეთრი სახლის ვებგვერდზე გამოქვეყნდა.
„რუსეთის სარაკეტო დარტყმა, რომელმაც ათობით უკრაინელი მშვიდობიანი მოქალაქე იმსხვერპლა და კიევის ბავშვთა საავადმყოფოში მსხვერპლი გამოიწვია, რუსეთის სისასტიკის შემზარავი შეხსენებაა“, – ნათქვამია შტატების პრეზიდენტის განცხადებაში, რომლის საშუალებითაც, თეთრი სახლის ლიდერი მსოფლიო საზოგადოებას უკრაინის მხარდაჭერის გაგრძელებისა და რუსული აგრესიის დაგმობისკენ მოუწოდებს.
ბოლო მონაცემებით, კიევზე რუსეთის ავიაიერიშის შედეგად 37 ადამიანი დაიღუპა.
კომენტარები