ფონდ „ქართუსგან” ჯილდოს სახით გამოყოფილი თანხის მნიშვნელობაზე საქართველოს ნაკრების ფეხბურთელმა, ლუკა ლოჩოშვილმა კიდევ ერთხელ ისაუბრა.
იგი კაპიტან გურამ კაშიას მიერ გუნდის სახელით ნათქვამ მადლობასაც გამოეხმაურა.
„ძალიან დიდი სტიმულია, როდესაც შენს ქვეყანაში გაფასებენ – ღირსების ორდენი იყო, იყო ფინანსური ბონუსი, რაც საქართველოს ნაკრებს გაგვიკეთეს – მოტივაცია არის, წახალისება არის. ჩვენი კაპიტანია და ყველა ფეხბურთელის სახელით მან მადლობა გამოხატა. რა თქმა უნდა, გუნდში ყველა მადლობელია. ჩემთვის ყველაფერი მოტივაციაა, როდესაც ვიღაც რაღაცას გიფასებს, შენი საქმე რომ ფასდება. ვფიქრობ, ქვეყანამ უნდა გამოვიყენოთ ეს ყველაფერი, რაც მოხდა – ის ისტორია, რაც სტადიონზე დავწერეთ და უნდა განვვითარდეთ ყველა ერთად. უფრო ბედნიერი უნდა იყოს ის თაობა, რომელიც თამაშს ახლა იწყებს”, – განაცხადა ლუკა ლოჩოშვილმა.
როგორც ცნობილია, ბიძინა ივანიშვილისა და ფონდ „ქართუსგან” ჯილდოს სახით გამოყოფილი 30 მილიონი ლარი ნაკრების წევრებმა პრემიის სახით უკვე მიიღეს. საქართველოს ეროვნული ნაკრების მიერ გავრცელებული განცხადების თანახმად, კაპიტანი გურამ კაშია გუნდის სახელით, მადლობას უხდის ბიძინა ივანიშვილს, ფონდ „ქართუს” და ქართველ გულშემატკივარს ფეხბურთის მხარდაჭერისთვის.
ფეხბურთელების მადლობას სოციალურ ქსელში რადიკალური ოპოზიციის წევრების და მათი აქტივისტების მხრიდან ბულინგის მცდელობის მორიგი კამპანია მოჰყვა.
კომენტარები