აშშ-ის პრეზიდენტი ჯო ბაიდენი და საპრეზიდენტო არჩევნების კანდიდატი დონალდ ტრამპი დებატების წესებზე შეთანხმდნენ. ინფორმაციას ამის შესახებ „სიენენი ავრცელებს.
დებატები, რომელიც 27 ივნისს გაიმართება, 2024 საპრეზიდენტო არჩევნების კამპანიის ფარგლებში პირველი შეხვედრა იქნება ბაიდენსა და ტრამპს შორის.
კანდიდატები შეთანხმდნენ, რომ დებატების განმავლობაში მიკროფონი იქნება გამორთული, ვიდრე ერთი ილაპარაკებს. მათ არ ექნებათ საშუალება, თან იქონიონ წინასწარ დაწერილი ტექსტი. დებატების დაწყებამდე მათ გადაეცემათ კალამი, ფურცელი და წყალი.
ასევე, როგორც ცნობილია, წელს პირველად, დებატებს არ ეყოლება აუდიტორია. ტრანსლაცია „სიენენის“ ეთერით მოხდება, რომლის მოდერატორებიც იქნებიან ჯეიკ ტეპერი და დანა ბაში.
კომენტარები