ევროკავშირის სანქციების მე-13 პაკეტს, რომელიც რუსეთის წინააღმდეგ იქნება მიმართული, უნგრეთი არ დაბლოკავს – უნგრეთის საგარეო საქმეთა მინისტრის, პიტერ სიიარტოს ცნობით, პაკეტში ყველა ის ელემენტია ამოღებული, რომელიც ქვეყნის ინტერესებს ზიანს აყენებდა.
სიიარტომ სანქციების წინა პაკეტთან დაკავშირებით ისაუბრა და განაცხადა, რომ მე-12 პაკეტმა ზიანი არა რუსეთის, არამედ ევროკავშირის ეკონომიკას მიაყენა.
“უნგრეთი არ დაბლოკავს რუსეთის წინააღმდეგ სანქციების პაკეტს, რადგან მომზადების ეტაპზე შესაძლებელი იყო ყველა პუნქტის ამოღება, რომელიც ეწინააღმდეგება უნგრეთის ინტერესებს”, – განაცხადა სიიარტომ.
მან ასევე თქვა, რომ უკრაინაში რუსი დამპყრობლების სრულმასშტაბიანი შეჭრის მე-2 წლისთავი ცეცხლის შეწყვეტასა და სამშვიდობო მოლაპარაკებებზე სასაუბრო “შემთხვევა უნდა იყოს”.
კომენტარები