ლეიბორისტული პარტიის ლიდერი, შალვა ნათელაშვილი:
,,ყოველი ეპისტოლე მნიშვნელოვანი მოვლენაა ჩვენი მრავალათასწლიანი ქრისტიანული ცივილიზაციის ქვეყანაში. არ ვიცი ვინ დაარედაქტირა წუხანდელი ეპისტოლე პატრიარქისა, მაგრამ ვფიქრობ იქ აუცილებლად უნდა ყოფილიყო მოწოდება მრევლზე რათა არ გაყიდონ ხმა იუდას ვერცხლზე და ასევე გაფრთხილება ოლიგარქატზე, რომ გაჭირვებული ადამიანის ყიდვა მათ შორის საარჩევნოდ უპატიებელი ცოდვაა. რაც შეეხება ხელოვნური ინტელექტის გლობალურ პრობლენებზე მსჯელობას ამას ჯობდა ასახულიყო ღვთისგან დაჯილდოებული ინტელექტის, ჩვენი ბავშვების მდგონარეობა რომლებიც შიმშილობენ სკოლებში ხოლო მილიარდერი ვერ იმეტებს ერთჯერად საბიუჯეტო კვებასაც კი მათთვის . ღაზასა და მთელ მსოფლიოში ომისა თუ მშვიდობის პრობლემებზე დიდაქტიკურ მსჯელობას სჯობდა უპირველესად დაგმობილიყო მოსკოვის აგრესია საქართველის წინააღმდეგ, ჩვენი ტაძრების მიტაცება, ტერიტორიების ყოველდღიური ანექსია, საკუთარ მამულში ხალხის დაჭერა, მათი დახოცვა და უფრო მეტიც ეკლესიაში ლოცვისას ადამიანის მკვლელობა ერთმორწმუნე ოკუპანტთა მიერ. და რაც მთავარია ეპისტოლეში უნდა ყოფილიყი მკაცრი გაფრთხილება მეუფეების და ყველა ღვთისმსახურისადმი რომ წელს დანიშნულ საეტაპო არჩევნებში კვლავ არ გადაიქცნენ ივანიშვილი პროპუტინისტური რეჟიმის საარჩევნო აქტივისტ— პროპაგანდისტებად. არ ვიცი შეიძლება შობა დღეს არ უნდა დამეწერა ეს, მაგრამ ვფიქრობ უფრო დიდი ცოდვაა დავმალოთ რეალობა და კვლავ გავაგრძელოთ თავისა თუ მომავლის მოტყუება.”
კომენტარები