,, სხვანაირად ისევ ბიძინა მოიგებს” – თამარ ჩერგოლეიშვილი

,,ტაბულას” დამფუძნებელი, თამარ ჩერგოლეიშვილი:

,,იმისთვის, რომ ეროვნული ღირსების დამამცირებელი კრიზისი გადავწყვიტოთ და პუტინისტური რეჟიმი შევცვალოთ, ჩვენ წყალივით გვჭირდება რომ პოლიტიკურად აქტიურ მოქალაქეებში, გაიზარდოს მათი რიცხვი, ვინც დაიცავს სწორ პოზიციას, მოითხოვს სწორ გადაწყვეტილებებს და ამით, გააჩენს ხმაურიან დაკვეთას სწორად მოქმედებაზე.

რა არის სწორი პოზიცია:

იმისთვის, რომ ოცნებას მოვუგოთ, საჭიროა მის ამომრჩეველს რიცხვობრივად დიდი ანგარიშით მოვუგოთ – ოცნების მოწინააღმდეგეები უნდა შევადგენდეთ ამომრჩევლის, სულ მცირე, ორ მესამედს.

ეს რომ ასე მოხდეს, სულ მცირე, 30 პროცენტი უნდა აიღოს ნაციონალური მოძრაობის გარეშე, დანარჩენმა ოპოზიციურმა პარტიებმა ვინც ბარიერს გადალახავენ.

ვინ არიან ეს დანარჩენი პარტიები?

1. ევროპული საქართველო • European Georgia

2. ლელო

3. გახარია 

4. გირჩი

5. იაგოვლები

6. ლეიბორისტები

7. ელისაშვილი

8. ანა დოლიძე

9. დროა

ყველა ამ პარტიას გვაქვს ბარიერის გადალახვის პრობლემა – ზოგს უფრო მეტად, ზოგს – შედარებით ნაკლებად.

მაგრამ არცერთი არაა იმ ფორმაში, რომ ერთ წელიწადში ორნიშნა შედეგის იმედი ჰქონდეს.

უფრო რეალისტურია, რომ 4-5 ძალა გაიზარდოს 5 პროცენტამდე, ვიდრე ერთმანეთში გადაზელვამ მოიტანოს 30 პროცენტი (ისიც, იმ შემთხვევაში გვყოფნის, თუ ვიცით, რომ ნაცმოძრაობა 30 პროცენტს მაინც იღებს – მიშას ჩამოსვლის დროს აიღო ამდენი და სახელოვანი საკადრო ცვლილებების შემდეგ რას იზამს მათი ამომრჩეველი, ჯერჯერობით უცნობია).

იმისთვის, რომ 4-5 პარტიას ბარიერის პრობლემა მოეხსნას და გაიაზარდოს, საჭიროა რომ პარტიების შინაარსში გამოჩნდეს ამომრჩეველი და მისი ინტერესი, გამოჩნდეს, არა არჩევნების წინ, არამედ გუშინ (!!!) იმისათვის რომ ხალხმა აღარ გვისაყვედუროს, არჩევნების წინ რომ გვახსენდება.

იმისთვის რომ პარტიებია შინაარსი ამომრჩევლის ყურამდე მივიდეს და საკუთარი ინტერესი დაინახონ პოლიტიკურ პროცესში, რაც სტატუს კვოს შეცვლას მოანდომებს საჭიროა მედიამ ამაზე გამუდმებით ილაპარაკოს.

იმისთვის, რომ შინაარსის ხარისხი გაუმჯობესდეს, საჭიროა პარტიებს შორის არსებობდეს თავისუფალი კონკურენცია და ამ კონკურენციას მედია აშუქებდეს.

სხვანაირად პარტიები ვერ განვითარდებიან და გაიზრდებიან.

სხვანაირად ისევ ბიძინა მოიგებს. 

ჩვენ კიდევ ერთი დილემა გვაქვს გადასაწყვეტი – ამომრჩეველი სწორად ხვდება იმას, რომ თუ ნაცები დანარჩენ ოპოზიციასთან უმცირესობაში არ არიან, შანსი იმისა რომ მთავრობაში ნაცები დაბრუნდნენ, მაღალია – შეიძლება არც დასჭირდეთ ნაცებს სხვა ოპოზიციური პარტიები მთავრობის შესაქმნელად, ქოცებს გადაიბირებენ.

ამ დილემის მოსახსნელად, არანაცი ოპო პარტიების მიერ კიდევ უფრო დიდი ძალის ჩვენებაა საჭირო, რომ ამომრჩეველმა დაიჯეროს მომავალი მთავრობის კოალიციურობის რეალურობა.

ერთი სიტყვით, თუ გვსურს ბიძინა დავამარცხოთ, ნაცების გარდა 4-5 პარტია უნდა გავძლიერდეთ – მხარდაჭერა გავიფართოვოთ.

ეს ვერ მოხდება მოქალაქეების ინტერესების პარტიების შინაარსში შემოყვანის და ოპო პარტიებს შორის თავისუფალი კონკურენციის გარეშე.

ამიტომ დაკვეთა უნდა გაჩნდეს ამაზე – არა “ერთიან” მოთქმა გოდებაზე, რა ცუდია რეჟიმი, არამედ იმ პრობლემების მოგვარებაზე, რაც რეჟიმს ასეთად აქცევს.

ჩვენ გვჭირდება საკმარისი ხალხი ვინც დაიცავს სწორ პოზიციას და გააჩენს დაკვეთას ისეთ პოლიტიკურ შინაარსზე, სადაც მოქალაქეების ინტერესი ჩანს და თავისუფალ კონკურენციაზე პარტიებს შორის.”