რაც ახლა დავინახე ამის აღწერა ძალიან რთულია, იმიტომ, რომ განახევრებული ადამიანია ფიზიკურად – განაცხადა ნიკა გვარამიამ “ვივა მედიდან” გამოსვლის შემდეგ, სადაც მან მიხეილ სააკაშვილი მოინახულა.
ნიკა გვარამიას თქმით, გუშინ, მესამე პრეზიდენტის სასამართლო პროცესის კადრებს და საერთაშორისო აქტორებთან შეხვედრის დროს უყურა და რეაქციები უცხოელების მხრიდანაც მწვავე იყო
“გუშინ შეხვედრა მქონდა საერთაშორისო აქტორებთან, არ დავასახელებ, არა მაქვს ამის უფლება, უბრალოდ ჩავრთე, მაინტერესებდა მე თვითონ რომ მენახა მიშა პირველად და ერთად ვნახეთ და წარმოუდგენელი რეაქცია, მე რომ მქონდა ეს გასაგებია, მაგრამ მათაც ჰქონდათ წარმოუდგენელი რეაქცია” განაცხადა ნიკა გვარამიამ.
ის ასევე გამოეხმაურა უკრაინა-საქართველოს ურთიერთობებს შექმნილი ვითარების ფონზე და აღნიშნა, რომ ორი ქვეყანა დიპლომატიური ურთიერთობების გაწყვეტის ზღვარზეა:
“არ გამოვა მეგობრებო ასე. თუ საქართველო-უკრაინის ურთიერთობა ასე გაგრძელდა, ვერანაირ ბიზნესს ვერ გააკეთებთ, დღეს ვინც აკეთებთ, მათ შორის, უკრაინაში. იმიტომ რომ ეს შეუძლებელია. დიპლომატიური ურთიერთობები შეიძლება შეწყდეს ამ ორ ქვეყანას შორის და ეს მოსალოდნელია უკვე იმის ფონზე, რაც ხდება. არავის არ შეარჩენს უკრაინა საკუთარი მოქალაქის მიმართ ასეთ მოპყრობას.
მიხეილ სააკაშვილი უნდა წავიდეს უკრაინაში, საქართველოს პოლიტიკასთან დაკავშირებით ის რას გააკეთებს, ეს არის მისი გადასაწყვეტი. მე მის ადგილზე განცხადებებს, რომელიც აკეთა აქამდე, არ გავაკეთებდი და არ ვიჩქარებდი ამ განცხადებების გაკეთებას პირდაპირ გეუბნებით და ეს მას ვუთხარი. რას გააკეთებს იგი მომავალში, ეს არის მომავლის საკითხი და უნდა გადაწყდეს მომავალში” ამბობს ნიკა გვარამია.
,,მთავარი არხი”
კომენტარები