“სჯერა, რომ უკრაინაში ომს ვერავინ დაასრულებს” – რუსული მედია ღარიბაშვილზე

საქართველოს პრემიერმინისტრის, ირაკლი ღარიბაშვილის განცხადებას რუსული პროპაგანდისტული გამოცემა ТАСС, უკრაინის საწინააღმდეგო პროპაგანდისთვის იყენებს.

“საქართველოს პრემიერმინისტრს სჯერა, რომ არავის შეუძლია უკრაინაში კონფლიქტის შეჩერება,” – ასე ასათაურებს რუსული პროპაგანდისტული გამოცემა პუბლიკაციას, რომელსაც ღარიბაშვილის განცხადებაზე დაყრდნობით ავრცელებს.

“სიტუაცია მსოფლიში ძალიან რთულია, მეორე მსოფლიო ომის შემდეგ ასეთი წინაღობა ევროპაში ჯერ არ ყოფილა. ჩვენ ვხედავთ რა ხდება უკრაინაში, ომი არ ჩერდება, უკრაინის ტერიტორიის 20%-ზე მეტი უკვე გადაიქცა საწვრთნელ ადგილად. ეს არის დესტრუქციული ომი”, – ციტირებს გამოცემა ღარიბაშვილს.

ТАСС ხაზს უსვამს ღარიბაშვილის ტერმინს, “უკრაინიზაციას” და საქართველოს პრემიერ-მინისტრის სიტყვებზე დაყრდნობით წერს, რომ “საქართველოს მტრების გეგმა, რომ “ქვეყნის უკრაინიზაცია” მოახდინონ, ტერიტორია მსგავს საწვრთნელ ადგილად გადააქციონ და “მეორე ფრონტი” გახსნან რუსეთის ფედერაციასთან, ჩაიშალა”. 

პუტინის პროპაგანდისტული გამოცემა ასევე აღნიშნავს, რომ საქართველოს ხელისუფლება რეგულარულად სდებს ბრალს დასავლელეთისა და უკრაინის კონკრეტულ პოლიტიკოსებს, ქვეყნის სამხედრო კონფლიქტში ჩათრევის მცდელობაში.

,,მთავარი არხი”