სახალხო დამცველი ლევან იოსელიანი გუშინ, ინგა გრიგოლიას „რეაქციაში“ ინტერნეტში გავრცელებულ მის ფოტოს გამოეხმაურა.
იოსელიანის თქმით, მას კომენტარებზე ეღიმებოდა.
მან აღნიშნა, რომ როცა ადამიანი ქოლგას გაფარებს, ხელს ვერ კრავ.
“მე ვიმყოფებოდი “ოცნების ქალაქში”. ასეთ პირობებში ადამიანები ცხოვრობდნენ, მე ეს პირველად ვნახე. ეს ადამიანი, რომელიც ქოლგას მაფარებდა, არის ერთ- ერთი ადამიანი, რომელიც იქ ცხოვრობს, მოვიდა შეხვედრაზე და შეეცადა, ქოლგა ჩემთვის გადაეფარებინა. შეურაცხყოფა მიაყენეს ამ ადამიანსაც და ქოლგის დამჭერად გამოაცხადეს.
მესმის კონტექსტი ამ ყველაფრის, მაგრამ როცა ხალხს ელაპარაკები და ვიღაცა უკნიდან თუ გვერდიდან ქოლგას გადაგაფარებს, ვერ კრავ ხელს. მადლობელი ვარ, რომ იქ იდგა და ცდილობდა, წვიმისგან დავეცავი. მეც მთელი დღე მეღიმებოდა იმ კომენტარებზე რაც კეთდებოდა. ჩემზე რაც უნდა ის თქვან. თუმცა მოვერიდოთ იმ ადამიანებზე კომენტარებს, ვისაც ყოველდღიურად თავის გატანა უწევს” – განაცხადა სახალხო დამცველმა.
ომბუდსმენი ბათუმში იყო ჩასული, სადაც წვიმდა და გავრცელებულ ფოტოზე ჩანს, რომ ერთ-ერთი მოქალაქე მას ქოლგას აფარებს, რამაც სოციალურ ქსელში დიდი აჟიოტაჟი გამოიწვია.
კომენტარები