,,ტაბულას” რედაქტორი, თამარ ჩერგოლეიშვილი:
,,ჩვენთვის სიტყვებს აქვს მნიშვნელობა!
როცა სიტყვები მნიშვნელობას კარგავს, ბაბილონის გოდოლს ვიღებთ.
ჩვენი თვითმიზანი, ისტორიული მიზანი და მისია, რომელიც ესტაფეტასავით თაობიდან თაობას გადაეცემოდა საუკუნეების მანძილზე არის ეროვნული თავისუფლება, უსაფრთხოება და კეთილდღეობა.
ამ მისიისთვის უამრავი სისხლი დაიღვარა. ძალიან ბევრმა ჭკვიანმა ქართველმა – სიცოცხლე გაწირა.
ამ მისიაზე უამრავი დაიწერა და ითქვა ჩვენი ეროვნული გმირების მიერ – ევროპული საქართველო ამ მასალას წელიწადზე მეტია აქვეყნებს და შეგიძლიათ თავმოყრილი ნახოთ.
გავიმეორებ: თვითმიზანი არის ეროვნული თავისუფლება, უსაფრთხოება და კეთილდღეობა.
ევროკავშირიც და NATO-ც ჩვენთვის, არის ამ მიზნის მიღწევის საშუალება.
ევროპული კულტურის, ჩვენი კულტურის წიაღში უსაფრთხოდ და თავისუფლად ყოფნა არის ჩვენი თვითმიზანი!
კალაძე და მთლიანად, ივანიშვილის რეჟიმი ამ ქვეყნის ეროვნული ინტერესების მტერი არის არა იმიტომ, რომ ევროკავშირი არ აქვს დასახული თვითმიზნად, არამედ იმიტომ რომ ამ ქვეყნის და მისი მოქალაქეების თავისუფლებას, მშვიდობას და კეთილდღეობას უქმნის ეგზისტენციალურ საფრთხეს.
ევროკავშირი და კანდიდატის სტატუსი ჩვენთვის საშუალებაა განვიხილებოდეთ ძლიერების მეგობრებად რუსეთის წინააღმდეგ.
ჩვენ რუსეთის წინააღმდეგ ძლიერი მეგობრები გვჭირდება.
რეჟიმი გვაკარგინებს ძლიერ მეგობრებს და იზოლირებულს გვტოვებს მხეცთან, რომელსაც თავის დაკარგული ბუნაგი ვგონივართ!
ევროკავშირი არ არის თვითმიზანი, ევროკავშირი არის საშუალება!
ჩვენს რთულ ვითარებაში – ერთადერთი საშუალება გვყავდეს ძლიერი მეგობრები და ვიყოთ უფრო დაცული!
რეჟიმი ჩვენს ეროვნულ, თავისუფლებას უსაფრთხოებას და კეთილდღეობას ერჩის! ესაა სათქმელი!
ევროკავშირი არის ამის საშუალება.”
კომენტარები