საქართველოში თებერვლის ბოლო დღეები თბილი იქნება, ამის შესახებ “ფეისბუქზე” მეტეოროლოგი კობა ფარტენაძე წერს.
“ციკლონთან დაკავშირებული ცივი და ნოტიო ჰაერის მასების მიერ წარმოქმნილი – ნაცრისფერი და ნალექიანი დღეები უკან მოვიტოვეთ.
ჩვენს დიდებულ ქვეყანაში ანტიციკლონური სიტუაციის ჩამოყალიბება თბილ და მზიან დღეებს გვპირდება, რაც უკვე სახეზეა, საქართველოში ყველგან გამოიდარა.
კონკრეტულად, 28 თებერვლის ჩათვლით:
დასავლეთ საქართველოში მზიანი ამინდები იქნება, დათბება – ღამით +7, +9, დღისით +20, +22 გრადუსამდე.
ზეგ უკვე, აღმოსავლეთში, ჰაერი +16, +18 გრადუსამდე გათბება დღისით, ღამით კი ცოტათი ეციება, მაგრამ ყინვა აღარ იქნება,” – წერს ფარტენაძე.
კომენტარები