ძალადობდნენ თუ არა ოჯახის წევრები 2 წლის ბავშვზე? – საქმეში სამართალდამცველები უკვე ჩაერთვნენ. ბებიის განმარტებით, ოჯახი მრავალშვილიანია. მშობლები კი ცალ-ცალკე ცხოვრობენ. ქალი ირწმუნება, რომ ბავშვი ცოტა ხნის წინ დედასთან იმყოფებოდა.
“მუცელი აქვს გაბერილი და სითხე აქვს მუცელში. მუცელზე არის დამწვრები, ეგ დავინახე, ფეჩთან არის მუცელი დადებული. მე ვეუბნები ყველას გაარკვიოს ვინც სცემა და ვინც გააკეთა. პოლიცია ჩართულია. ჩემ წინ რომ დაარტყეს, მაშინ გავიგე რომ ძალადობდა. დედამ დაარტყა. რატომ იქცევიო ეგრე ტირილი რომ დაიწყო. ცოტა ფსიქიატრიულად არის დაავადებული, შეამოწმეს, გაიგებენ ყველაფერს”,- ამბობს მერი თურქოშვილი, ბავშვის ბებია.
მცირეწლოვანი თავდაპირველად გურჯაანის “ჯეო ჰოპიტალსის” კლინიკაში შეიყვანეს. ადგილზე იმყოფებოდა პოლიციაც. კატასტროფის ბრიგადამ ის გურჯაანიდან თბილისის ჯეოჰოსპიტალსში გადაიყვანა.
ექიმები ადასტურებენ, რომ მცირეწლოვანს სხეულზე მრავლობითი დამწვრობა, მუცლის ტკივილი და ანემია აღმოაჩნდა.
“მდგომარეობის სიმძიმის გათვალისწინებით, მოთავსდა რეანიმაციულ განყოფილებაში. ჩაუტარდა რიგი კლინიკოლაბორატორიული კვლევები, გამოვლინდა ანემია და კუაგულოპათია. მიმდინარეობს მკურნალობა. ჩატარებული კვლევებით მუცლის ღრუსა და პლევრის ღრუში აღენიშნება სითხე. გრძელდება ინტენსიური მონიტორინგი მდგომარეობის შესაძლო გაუარესების გამო. გარეგანად აღენიშნება კანის მრავლობითი დაზიანებები, რომელიც ქირურგის მიერ იქნა დამუშავებული”,- ამბობს ექიმი.
სამართალდამცველები უკვე იმყოფებოდნენ დედის გამოსაკითხად, თუმცა გამოძიება დეტალებს ამ ეტაპზე არ ასაჯაროებს.
შინაგან საქმეთა სამინისტროს ცნობით, ფაქტზე გამოძიება სისხლის სამართლის კოდექსის 126-ე პრიმა მუხლით მიმდინარეობს. გავცრელებული ინფორმაციით, დაკავებულია ბავშვის მამა.
კომენტარები