24 წლის მამაკაცი, რომელიც რამდენიმე დღის წინ რუსთავში გაგარინის ქუჩაზე ურთიერთშელაპარაკების ნიადაგზე ცივი იარაღით დაჭრეს, კლინიკაში გარდაიცვალა.
ახალგაზრდა მამაკაცი, თავდაპირველად, ქალაქის ცენტრალური საავადმყოფოს რეანიმაციაში იმყოფებოდა, რის შემდეგაც მკურნალობას ინტენსიური თერაპიის განყოფილებაში განაგრძობდა. რამდენიმე საათის წინ კი ცნობილი გახდა, რომ მოულოდნელად გარდაიცვალა. მას ჭრილობები ცივი იარაღით მუცლისა და გულ-მკერდის არეში ჰქონდა მიყენებული.
საინფორმაციო სააგენტო “ინფო რუსთავი” ახალგაზრდა კაცის გარდაცვალებასთან დაკავშირებით ცენტრალური საავადმყოფოს ხელმძღვანელს, პაპუნა ბახტაძეს ესაუბრა, რომელიც ამ ეტაპზე კომენტარის გაკეთებისგან თავს იკავებს.
შეგახსენებთ, რომ დაჭრის ფაქტი რამდენიმე დღის წინ მოხდა. სამართალდამცავებს უკვე დაკავებული ჰყავთ ბრალდებული.
კომენტარები