თავდაცვის ყოფილი მინისტრი, ირაკლი ოქრუაშვილი, აქვეყნებს ფოტოს ამერიკის პრეზიდენტის უკრაინაში ვიზიტისას გადაღებულს და წერს:
“რა უნდათ ამერიკელებს შავ ზღვში”-ო თქვა ერთმა ბრძენმა ქართველმა 21-ე საუკუნეში და ეგრევე 2,5 მილიარდი დოლარი დაკარგა.”
შეგახსენებთ, „რა უნდათა ამერიკელებს შავ ზღვაში“ – მამუკა ხაზარაძის თქმით, სწორედ ასე მიმართა ბიძინა ივანიშვილმა 2017 წელს შეხვედრისას, როდესაც ისინი ანაკლიის პორტზე საუბრობდნენ.
„არ დამავიწყდება ძალიან ცუდი საუბარი ბიძინა ივანიშვილთან. ოცი მილიონი უკვე ინვესტიებული გვაქვს პორტში, უცხოელები არიან ჩამოსულები და ა.შ. მე სულ საქმის კურსში ვაყენებდი მას. შევხვდი თავის რეზიდენციაში. საუბარი დაიწყო ძალიან მძიმედ. მან მითხრა, მოდი შევეშვათ ანაკლიას, შენ გეოპოლიტიკაში ვერ ერკვევიო… ასეთი რაღაცა მითხრა: რა უნდა ამერიკელებს შავ ზღვაში. მეგონა, რაღაცა შაყირთან გვქონდა საქმე. რომ მივხვდი იუმორზე არ გვქონდა საუბარი… მან თქვა, რომ ამ პროექტს იმიტომ დავუჭირე მხარი, რომ გიორგი კვირიკაშვილი გამაგრებულიყო პრემიერად და სალაპარაკო ჰქონოდა ხალხთან და ახლა მე ვფიქრობდი, რომ ჩინური სახელმწიფო კომპანია უნდა ყოფილიყოო, ახლა ვერ ვხედავ ამ პერსპექტივასო“, – განაცხადა 2019 წელს მამუკა ხაზარაძემ.
კომენტარები