ექსპრეზიდენტ მიხეილ სააკაშვილის ადვოკატის შალვა ხაჭაპურიძის განცხადებით, 2-3 დღის განმავლობაშიც კი სააკაშვილის ჯანმრთელობის მდგომარეობაში რადიკალური განსხვავება შეინიშნება.
ხაჭაპურიძე აცხადებს, რომ სააკაშვილის სიკვდილი გარდაუვალია.
„ავადმყოფობის ისტორიასთან დაკავშირებით ახალი მასალები მოგვივიდა, ასევე ვიდეო მასალებიც გამზადდა. ამიტომ გადაიწია და ხვალ დილით შევა სააპელაციო საჩივარი. პირველ ინსტანციაში პენიტენციური სამსახური ამტკიცებდა დაბეჯითებით, რომ არანაირი გონების კარგის ეპიზოდები სააკაშვილს არ ჰქონია.
თუმცა, გავრცელებულმა კადრებმა ნათლად გვაჩვენა, რომ გონების კარგვის იმაზე მეტი ეპიზოდი იყო, ვიდრე ჩვენ განვაცხადეთ სასამართლოში. ბუნებრივია, ეს მნიშვნელოვანი მტკიცებულებაა. 2-3 დღის განმავლობაშიც კი აბსოლუტური განსხვავება არის მისი ჯანმრთელობის მდგომარეობიდან გამომდინარე. მისი სიკვდილი არის გარდაუვალი, ეს არ არის დიდი ხნის ამბავი“, – აცხადებს შალვა ხაჭაპურიძე.
კომენტარები