“უნდა შევიდეთ მიხეილ სააკაშვილთან, მაგრამ როდის ჯერ არ ვიცით” – ომბუდსმენის კონსილიუმის ექიმი

სახალხო დამცველის შუამავლობით შექმნილი ექიმთა კონსილიუმის წევრი, გიორგი გრიგოლია ამბობს, რომ ჯერჯერობით კვლავ უცნობია, კონკრეტულად როდის შევა ექიმთა ჯგუფი კლინიკა “ვივა მედში” მიხეილ სააკაშვილთან.

გრიგოლიას თქმით, მიხეილ სააკაშვილთან თერაპევტი და ნევროპათოლოგი შევლენ, რომლებიც შეამოწმებენ, რა ცვლილებებია მიხეილ სააკაშვილის ჯანმრთელობის კუთხით მათი ბოლო ვიზიტის შემდეგ. როგორც მან აღნიშნა, ვიზიტის შემდეგ მიხეილ სააკაშვილის ჯანმრთელობის მდგომარეობა მომზადდება დასკვნა.

“წყდება ეს საკითხი, ამას ჩვენ არ ვწყვეტთ, ამას წყვეტს სახალხო დამცველის აპარატი, იმიტომ რომ იქ ტექნიკური საკითხებია, PCR გასაკეთებელია… ვიცით, რომ უნდა შევიდეთ, მაგრამ როდის ჯერ არ ვიცით. ჩვენი ნევროპათოლოგი და თერაპევტი, ვისზეც არის ხოლმე ძირითადი დატვირთვა, გასინჯავენ, 4 დეკემბერს ვიყავით ჩვენ ბოლოს, ნახავენ რა ცვლილებებია 4 დეკემბერთან შედარებით და შემდეგ, როგორც ყოველთვის დაიწერება დასკვნა”, – თქვა გიორგი გრიგოლიამ.