„ჩელსისა“ და „ნიუკასლ იუნაიტედის“ ყოფილი ვარსკვლავი, „ჰათაისპორის“ ფეხბურთელი კრისტიან ატსუ, რომელიც თურქეთში მომხდარი მიწისძვრის დროს ნანგრევებში მოყვა, გარდაიცვალა.
„ჩვენ არ დაგივიწყებთ ატსუ. მშვიდად განისვენე მშვენიერო ადამიანო. შეუძლებელია ჩვენი დანაკარგის სიტყვებით გადმოცემა. ნანგრევების ქვეშ დაღუპული ჩვენი ფეხბურთელის დაკრძალვა განაში, მშობლიურ ქალაქში გაიმართება“, – აღნიშნულია კლუბის განცხადებაში.
ცნობისთვის, 6 თებერვალს, გამთენიისას, თურქეთში ძლიერი მიწისძვრა მოხდა. 7,8 მაგნიტუდის ბიძგებს მსხვერპლი და ნგრევა მოჰყვა თურქეთსა და სირიაში.
მიწისძვრის ეპიცენტრი თურქეთის ქალაქ გაზიანთეფიდან ჩრდილოეთით, სირიის საზღვრიდან დაახლოებით 90-მდე კილომეტრის მოშორებით იყო. ბიძგები კაიროშიც იგრძნობოდა.
რამდენიმე საათში, თურქეთში კიდევ ერთი ძლიერი, 7.5 მაგნიტუდის სიმძლავრის მიწისძვრა განმეორდა.
კომენტარები