თურქეთში, მიწისძვრიდან 260 საათის შემდეგ ნანგრევებიდან 12 წლის ბიჭი ამოიყვანეს

თურქეთში, მიწისძვრიდან 260 საათის შემდეგ ნანგრევებიდან 12 წლის ოსმანი ამოიყვანეს. ინფორმაციას ამის შესახებ თურქული საინფორმაციო სააგენტოები ავრცელებენ

ჰათაის პროვინციაში, „საუკუნის კატასტროფად” წოდებული კაჰრამანმარაშის მიწისძვრიდან 260 საათის შემდეგ, მაშველებმა კაჰრამანმარაშში ნანგრევებიდან 12 წლის ოსმან ჰალაბიე ამოიყვანეს. ნანგრევებში ცოცხალი ადამიანის ყოფნის შესახებ დამხმარე ძაღლისგან მიღებული მინიშნების შემდეგ, მაშველებმა ხმაური ატეხეს და ოსმანისგან საპასუხო ნიშნის მიღებისთანავე დაიწყეს სამძებრო-სამაშველო სამუშაოები.

ინფორმაციის გავრცელებიდან დაახლოებით ერთ საათში ანუ მიწისძვრიდან 261 საათის შემდეგ ცნობილი გახდა, რომ ქალაქ ჰათაის კერძო საავადმყოფოს ნანგრევებიდან ორი ადამიანი, 26 წლის მეხმეტ ალი შაკირ ოღლუ და 34 წლის მუსტაფა ავჩი ამოიყვანეს. „ანადოლუს” ცნობით, ავჩი მაშველის დახმარებით ტელეფონით ესაუბრა თავის ძმას და ოჯახის წევრები მოიკითხა. ყველა გადარჩა, ნაზლი? შეიძლება მათი ხმა გავიგონო? – იკითხა მან საავადმყოფოში გადაყვანის წინ.

ბოლო მონაცემებით, ორი დამანგრეველი მიწისძვრის შედედაგად ტურქეთში 38 044 ადამიანი დაიღუპა.