“პირველებმა” ის ადგილი გადაიღო, სადაც სუს-ის ყოფილი მაღალჩინოსანი, გენადი სრუმანიძე, საკუთარ ავტომობილში გარდაცვლილი იპოვეს. ირკვევა, რომ შემთხვევის ადგილზე, ჩაქვის გვირაბთან მდებარე ტყის დასახლებაში სათვალთვალო კამერები არ არის. წყარო შსს დან “პირველებს” უდასტურებს, რომ, გენადი სურმანიძეს ერთი ტყვია გულში აქვს მოხვედრილი, 53 წლის კაცს სხვა დაზიანებები არ აღენიშნება. დაზიანებული არ არის ავტომობილიც. 53 წლის სურმანიძე სისტემაში 30 წლის განმავლობაში მუშაობდა. ოჯახს მომხდარის შესახებ ვერსიები არ აქვს, ამბობენ, რომ გარდაცვლილს პრობლემები არ ჰქონდა. სურმანიძეები ექსპერტიზის დასრულებას ელოდებიან. საქმეზე გამოძიება სისხლის სამართლის კოდექსის 115-ე მუხლითაა აღძრული, რაც თვითმკვლელობამდე მიყვანას გულისხმობს.
კომენტარები