„გვირჩევნია საპირფარეშომდე ჩვენ მივაცილოთ, რომ ვარდნა არ მოხდეს, როგორც მედიკოსს, გული მტკივა მის გამო” – სააკაშვილის ექთანი

კლინიკა „ვივამედის“ მედდამ ქეთევან ღვინიანიძემ ექსპრეზიდენტ მიხეილ სააკაშვილის სასამართლო პროცესზე განაცხადა:

„მე არაერთხელ ვაღიარე ეს საზოგადოების წინაშე და მინდა საქვეყნოდაც ვთქვა მე და ბატონ მიხეილ გვაქვს ძალიან კარგი ურთიერთობა, რაც შეიძლება იყოს მედპერსონალსა და მის პაციენტს შორის. ძალიან მენდობა, არაფერზე უარს არ მეუბნება, კვების საკითხის გარდა.

ჩემს მიმართ მას აგრესია არასოდეს არ ჰქონია. რა თქმა უნდა, ის დასუსტებულია იმასთან შედარებით, რაც იყო…

მიხეილ სააკაშვილის პირადი ექთანი ქეთევან ღვინიანიძე გონების კარგვის ბოლო ეპიზოდთან დაკავშრებით ამბობს, რომ ის ფაქტს არ შესწრებია და პალატაში შესვლისას მუხლებზე დაცემული მიხეილ სააკაშვილი დახვდა:

“შევედი და ვნახე მუხლებზე დავარდნილ მდგომარეობაში, გონების კარგვა ჩემი თვალით არ მინახავს. დავუძახე ბადრაგს, 2 ბიჭი მოვიდა, ავაყენეთ, დავაწვინეთ, მოვიყვანეთ ნევროლოგი და მეორე დღეს ენცეფალოგრამა გადავუღეთ.

მუხლებზე იყო დავარდნილი და ხელებზე იყო დაყრდნობილი. ვკითხე, აქ როგორ მოხვდით მეთქი და მითხრა, რომ მივდიოდი საპირფარეშოში, თავბრუ დამეხვა და ვიფიქრე ამას დავეყრდნობი და დავვარდიო…

…ბოლო ორი თვეა დამოუკიდებლად ჩაცმა უჭირს და ვეხმარებით. ასევე უჭირს გადაადგილება დახმარე საშუალებების გარეშე, ამიტომ გვირჩევნია საპირფარეშომდე ჩვენ მივაცილოთ, რომ ვარდნა არ მოხდეს. როგორც მედიკოსს, გული მტკივა მის გამო”