,, დღეს განგვიახლდა იმ ტკივილისა და სირცხვილის შეგრძნება” – სალომე ზურაბიშვილი

პრეზიდენტი სალომე ზურაბიშვილი:

,,ჰოლოკოსტის მსხვერპლთა ხსოვნის საერთაშორისო დღეს ვიხსენებთ მილიონობით უდანაშაულო მსხვერპლს, რომლებიც ადამიანების იდეოლოგიურ გადაგვარებას შეეწირნენ.

დღეს განგვიახლდა იმ ტკივილისა და სირცხვილის შეგრძნება, რომელსაც კაცობრიობა ჰოლოკოსტის დანაშაულის გამოაშკარავების შემდეგ განიცდიდა.

ჰოლოკოსტის სისასტიკის მიუხედავად, XXI საუკუნეში, ომებისა და იდეოლოგიური განსხვავებულობის გამო, სამწუხაროდ, ადამიანი, როგორც უზენაესი ღირებულება, კვლავ არ არის საკმარისად დაცული მისი ფუნდამენტური უფლებების ხელშეუხებლობისგან.

დღევანდელი დღე მთელი კაცობრიობისთის კიდევ ერთი გაფრთხილებაა, რომ არასოდეს დავუშვათ არაჰუმანური აზროვნების აღზევება, რამაც შეიძლება ჰოლოკოსტის მსგავს კატასტროფულ შედეგებამდე მიგვიყვანოს.”