პროდიუსერი სოსო აბზიანიძე “ჯორჯიან თაიმსის” გადაცემაში “ჩაი” პირდაპირი ჩართვისას ქართველ კინო მსახიობს და საესტრადო მომღერალს ბუბა კიკაბიძეს იხსენებს და აცხადებს:
„არ ვარ კარგად, მარტო მე კი არა, მთელი საქართველო არ არის კარგად, წავიდა ბუბა… მისი წასვლა ძალიან ცუდია, იგი ძალიან ბევრს აკეთებდა იმისთვის, რომ თავისი ხალხი ყოფილიყო კარგად. მხედველობაში მაქვს, ფული, მას ძალიან დიდი თანხა შესთავაზეს, მაგრამ ბუბამ საკუთარ ხალხს არ უღალატა. ბევრმა არ იცის, რომ პირველი რვა ხელფასი, რომელიც ბუბამ დეპუტატობის დროს აიღო, 6 ოჯახს დაურიგა, ეს იყო დაახლოებით 30 000 ლარი, თითო ოჯახს 5-5 ათასი დაურიგა, ხოლო ოჯახში კაპიკი არ შეუტანია. მას ბევრი ფინანსური სიკეთე გააკეთა. ამის თქმა ბუბა ყოველთვის მიკრძალავდა. ახლა მას არ ესმის და ამიტომ ვახმოვანებ,” – განაცხადა სოსო აბზიანიძემ.
კომენტარები