ფეხბურთის პორტუგალიელი ვარსკვლავი კრიშტიანუ რონალდუ, საუდის არაბეთის კლუბ “ალ ნასრში” გადავიდა. 37 წლის სპორტსმენმა კლუბთან კონტრაქტი 2025 წლის ზაფხულამდე გააფორმა.
ინფორმაციას საკუთარ წყარო დაყრდნობით Al Arabiya ავრცელებს. ოფიციალური ცნობა ჯერჯერობით არც ფეხბურთელსა და არც კლუბს არ გამოუქვეყნებია.
არსებული ინფორმაციით, კრიშტიანუს ხელფასი ერთ წელიწადში 200 მლნ ევრო იქნება.
ფეხბურთელის ბოლო კლუბი “მანჩესტერ იუნაიტედი” იყო, თუმცა კრიშტიანუს ზოგიერთ თანაგუნდელთან, ასევე მწვრთნელთან და კლუბის მენეჯმენტის წარმომადგენლებთან ურთიერთობა გაურთულდა.
პირს მორგანთან სკანდალური ინტერვიუს დროს რონალდუმ “მანჩესტერ იუნაიტედში” არსებულ პრობლემებზე ღიად ისაუბრა. სკანდალური ინტერვიუს შემდეგ “იუნაიტედმა” ფებურთელთან კონტრაქტი გაწყვიტა.
კომენტარები