შიმშილობის მე-12 დღე – პარლამენტის დეპუტატი, ანა წითლიძე მიხეილ სააკაშვილის საზღვარგარეთ სამკურნალოდ გადაყვანის მოთხოვნით შიმშილობს. ექიმების განცხადებით, დეპუტატის ჯანმრთელობის მდგომარეობა ნებისმიერ დროს შეიძლება დამძიმდეს.
სამედიცინო პერსონალის არაერთი მოწოდების მიუხედავად, ანა წითლიძე პროტესტის უკიდურეს ფორმას არ ცვლის.
“საერთოდ არ ხდება საკვების მიღება და ამიტომ სახიფათოა პაციენტის მდგომარეობა. ხდება ძალიან ხშირად წნევის ვარდნა, თავბრუსხვევა, რაც ახასიათებს შიმშილს. ასევე პერიოდულად აქვს თავის ტკივილი და უჭირს გადაადგილება. ამიტომ, რა თქმა უნდა, საყურადღებოა მისი მდგომარეობა,” – აცხადებს ექიმი ნანა კვანტრიშვილი.
კომენტარები