“გაეთრიე აქედან, არარობავ!” – სოლოვიოვმა გირკინთან დებატებზე უარი თქვა

რუსმა პროპაგანდისტმა ვლადიმერ სოლოვიოვმა, DPR-ის მებრძოლების ყოფილ ლიდერთან იგორ გირკინთან დებატებზე უარი თქვა.

პროპაგანდისტსა და მებრძოლს შორის კამათი მიმდინარე კვირის დასაწყისში დაიწყო. სოლოვიოვმა კომენტარი გააკეთა გირკინის ფრონტზე მოგზაურობაზე უკრაინაში. “წავიდა ომში. თავი მოიფხანა და დაბრუნდა… სტრატეგი არა ის. სლავიანსკში ჩაისვარა, შემოვიდა დონეცკში, დონეცკში კინაღამ მოკლეს ღალატის გამო, იქიდან გაიქცა, დაბრუნება სცადა”, – თქვა პროპაგანდისტმა. გირკინმა საპასუხოდ სოლოვიოვს “რეზინის ნაწარმი ნომერი 2” უწოდა და თქვა, რომ მზად იყო მასთან “ნებისმიერი საჯარო დებატებისთვის”.

სოლოვიოვმა თავისი გადაცემის ეთერში განაცხადა, რომ დონეცკში გირკინი “ისე სძულთ, რომ წარმოდგენაც შეუძლებელია”.

მან ბოევიკს, 2017 წელს რუსი ოპოზიციონერ ლიდერ ალექსეი ნავალნისთან დებატების გამართვისთვის უსაყვედურა, ასევე იმისთვის, რომ 2020 წელს უკრაინელ ჟურნალისტს და ონლაინ გამოცემა GORDON-ის დამფუძნებელ დიმიტრი გორდონს ინტერვიუ მისცა.

“ეს სულელი ცდილობს, რაღაც საუბარში გამომიწვიოს. ვისთან? შენთან, არარაობავ?! ნავალნის ესაუბრებოდი, გორდონს ესაუბრებოდი. გაეთრიე აქედან!” – განაცხადა პროპაგანდისტმა.

მებრძოლმა 19 დეკემბერს განაცხადა, რომ სოლოვიოვის გადაწყვეტილება არ გაჰკვირვებია.

“არაფერი მაქვს სათქმელი: ვლადიმერ რუდოლფოვიჩი არის “რეზინის ნაწარმი ნომერი 2″. თუმცა, ამაში ეჭვი არასდროს შემპარვია…”, – წერს გირკინი Telegram-ზე.

წყარო: „აიპრესი“