დღეს მართლმადიდებელი ეკლესია ბარბარობის დღესასწაულს აღნიშნავს. წმინდა ბარბარე ქრისტიანობისთვის მე-4 საუკუნის დასაწყისში ეწამა.
მოწამე ბარბარე მე-3 საუკუნის მეორე ნახევარში ფინიკიის ქალაქ ილიოპოლისში დაიბადა. ერთადერთ შვილს მამა ზრდიდა, რომელიც კერპთაყვანისმცემელი იყო. მას შემდეგ, რაც ბარბარეს ჩუმად მონათვლის ამბავი შეიტყო, მამამ ის ქვეყნის მმართველ მარკიანესთან მიიყვანა. რამდენიმედღიანი წამების შემდეგ, წმინდა ბარბარეს თავი თავად მამამისმა მოჰკვეთა. წმინდა ბარბარე ბავშვების განსაკუთრებულ მფარველად ითვლება.
კომენტარები