ჟურნალისტი ვიკა ბუკია მიხეილ სააკაშვილის კადრების გასაჯაროებას ეხმაურება და სოცქსელში წერს:
„ყველაზე მძიმე მოსასმენი იყო ამ კადრების პრეზენტაცია იმედზე. რატი ბრეგაძე იჯდა დღეს ჟურნალისტებთან და როგორც საიმიჯო კლიპი ისე აჩვენებდა სააკაშვილის კადრებს: სიხარულით და პატარა უხერხულობით. შარვალ-კოსტუმში ამომხრჩვალი (ღმერთო, რა ეღირსა) ეს ვეებერთელა რატი აჩვენებდა რეიტუზიან, ჩამომდნარ პრეზიდენტს, რომელიც “სიმულორებს”.
ჟურნალისტებმა კითხეს კიდევ არ იქნება კადრებიო?
მიაკლდათ ეტყობა
მერე კითხეს, ბატონო რატიო, საზოგადოების რეაქცია როგორი უნდა იყოსო?
პასუხი ამ კითხვაზე მართლაც შემზარავი შეიძლება იყოს. შურისძიებით შეპყრობილ ხელისუფლებას (რომელიც
დაკარგული ღირსების დაცვის სლოგანით მოვიდა), როგორც ჩანს, აქვს საზოგადოების იმ ნაწილის რეაქციის იმედი, რომელიც რაღაცნაირად დაიმსგავსა და აქცია შურისმაძიებლად.
არაფერი არ აქვს ამ ამბავს სამართალთან, ჩემო დაჩაგრულო მეგობრებო.
და ისე მიდის საქმე, კრიტიკის და სამართლიანობის აღდგენის უფლებას სამუდამოდ წაგვართმევენ. აბა ჩვენივე სახელით წამებით მოკლულ კაცზე რაღას იტყვით? ან რაღას მოვთხოვთ? უბრალოდ ფიზიკურად შეუძლებელი იქნება სამართლიანობის აღდგენა. სამაგიეროდ, კაციჭამიებად შევალთ ისტორიაში.“
კომენტარები