„ყველა ახველებს და იწკვინტლება… არაყს ან ვისკს დავკრავ, სანამ მამალი ფრანგული ბაცილა ავიკიდე“ – რას წერს ლალი მოროშკინა საფრანგეთიდან

„მატარებელი

პარიზი-კანი.

გავართე ფიქრი და გთავაზობთ დასკვნას:

საოცრად თბილ,თავაზიან და ვაჟკაცურის სულის ფრანგებს ოდას მივუძღვნიდი…

მიყვარს ეს ქვეყანა და ეს მშრომელი ხალხი,

ჩვენსავით ვაზზე და ტრადიციებზე შეყვარებული!

აქ არავინ არავის საწოლში არ უძვრება,სამაგიეროდ პირველივე დაძახებაზე მზად არიან დახმარების ხელი გამოგიწოდონ.

1.ვსხედვართ ჩათბუნებულები,იმიტომ რომ ცივა და საზ.ტრანსპორტი აღარ თბება.ყველა კარგ ხასიათზეა!

2.სასტუმროების დიდი ნაწილი ზამთრის სეზონზე იხურება,რადგან ენერგო რესურსი გაცილებით ძვირი უჯდებათ,ვიდრე ნომრის საფასური,მაგრამ სახელმწიფოს არ ადანაშაულებენ.

3.მაღაზიების დიდი ნაწილი დაიხურა, შუქის და გაზის ტარიფის მომატებული გადასახადების გამო.მაგრამ არავინ არ წუწუნებს!

4.პარიზის ცენტი,ოპერის ჩათვლით არ ნათდება,მხოლოდ კომერციული,Lafayett -ის მსგავსი ცენტრები აძლევენ საკუთარ თავს ამ ფუფუნების უფლებას.სამაგიეროდ იგივე Lafayett- მა გაითვალისწინა პარიზის მერიის არასახარბიელო მდგომარეობა და საკუთარი ვიტრინები სრულად დაუთმო საბავშვო სპექტაკლებს და თოჯინების თეატრებს!

რაც მთავარია ბავშვებმა არ უნდა იგრძნონ კრიზისი!

5. პირველადი მოხმარების საგნებზე და სამომხმარებლო კალათაზე,ფასები საგრძნობლად დაწეულია-ესეც კერძო სავაჭრო ცენტრების ადამიანობის და ტოლერანტულობის მაჩვენებელია!

6. მიუხედავად აეროპორტებში და სადგურებში პერმანენტული გაფიცვების და გრაფიკების არევის,ხალხი ისეთივე მომღიმარი და თავაზიანია.

7. არავინ არ ლაპარაკობს პოლიტიკაზე,არავინ არ უყურებს საინფორმაციოს,ყველა ცდილობს ეს რთული ზამთარი დამატებითი სტრესის გარეშე “გადააგოროს”.

8. უყვართ სპორტი,განსაკუთრებით ფეხბურთი და ყოველი თამაში ახალი დღესასწაულის საბაბია,ამიტომაც იგებენ!

9.აქ ყველაფერს ხედავენ და ამჩნევენ,მაგრამ მოპარულ კრუასანზე და სოსისზე ადამიანებს ციხეში არ უშვებენ,რადგან თვლიან,რომ უპოვართ უნდა დაეხმარო.

10. კვირაობით ეკლესიებში სიამოვნებით დადიან დიდებიც და პატარებიც,იქვე სხდებიან და საუბრობენ, განვლილ კვირაზე,სამომავლო გეგმებზე,გატეხილ გულზე,თუ ახალ სიყვარულზე

11. ძაღლები აქაც უყვართ და იმის შეხსენება არ ჭირდებათ,რომ ერთჯერადი პარკები და ჰიგიენა უმთავრესია!

12.და ბოლოს,ოი ლა ლა…

ფრანგები სიყვარულისთვის იბადებიან და ეს თავბრუდამხვევი გრძნობა და ვნების მოტკბო სურნელი უმარტივებთ ყოფას და ურთულეს ზამთარს…

P.S. ყველა ახველებს და იწკვინტლება,მალე კანში ვიქნები და არაყს ან ვისკს დავკრავ,სანამ მამალი ფრანგული ბაცილა ავიკიდე…ისე,სიცხიანები დადიან და მაინც ბედნიერები

სე ლა ვი“