თათრეთის პრეზიდენტი რუსტამ მინიხანოვი ოკუპირებულ აფხაზეთში, სოხუმში ჩავიდა და ე.წ პრეზიდენტს ასლან ბჟანიას შეხვდა. ინფორმაცია საოკუპაციო ხელისუფლების ვებგვერდზე ვრცელდება. მათი ცნობით, ვიზიტის მიზანი ეკონომიკისა და ტურიზმის სფეროში კავშირების გაძლიერებაა.
ქართული მხარე ოკუპირებულ რეგიონში რუსეთის გააქტიურებას არ გამოხმაურებია.
პარტია “ევროპელი დემოკრატების” ლიდერი პაატა დავითაია დარწმუნებულია, რომ ვიზიტი კიდევ ერთხელ უსვამს ხაზს რუსეთის ინტერესს აფხაზეთზე ტოტალური კონტროლის დასამყარებლად, ამ ფონზე კი საქართველოს ხელისუფლების დუმილი და უმოქმედობა დაუშვებელია. დავითაია ქართული ოცნების ხელისუფლებას მოუწოდებს, სპეციალური სტრატეგია შეიმუშაოს და რუსეთის დანაშაულებრივი ქმედებების წინააღმდეგ საერთაშორისო ასპარეზზეც აქტიური ნაბიჯები გადადგას.
კომენტარები