,, ეს რუსების პერსპექტივის დასასრულია” – რას წერს დემურ გიორხელიძე

ეკონომისტი დემურ გიორხელიძე:

,,რუსეთის ელიტების ჩემეული დეტალური ანალიზი და ახსნა მოვლენებისა (წარსულისა თუ არცთუ მთლად
წარსულისა) და იმისა, თუ საიდან უჩნდებოდა ამ ქვეყანას
უდიდესი პრობლემები, – არაერთხელ გამიკეთებია!

და დღევანდელობა რუსეთისა არაფრით განსხვავდება
მისი წარსულისგან, იმ უბედურებებისაგნ, რაც საკუთარმა
ელიტებმა მოსწიეს ადრე და სწევენ ახლა!

მიმდინარე მოვლენები მოწმობს, რომ რუსეთს დღეს იმაზე მეტად გამანადგურებელი ელიტები ჰყავს, ვიდრე ადრე და წარმატებით მიჰყავთ რუსეთი კრახისაკენ!

უზარმაზარმა კორუფციამ, მექრთამეობამ, საკუთარი
ქვეყნის ძარცვამ, კლანურმა მმართველობამ რუსეთი
კვლავ მიიყვანა შეიძლება თავის ისტრიაში, უდიდეს
მარცხამდე: სახელმწიფო ვერ შედგა და პოლიტიკა
კი ოლიგარქიული მძარცველური კლანების მომსახურე
გახდა საკუთარი ნიჭიერი და ძალზე კარგი ბუნების ხალხის დაკნინება/დამცირების ხარჯზე!

300 ათასამდე მეცნიერმა დატოვა რუსეთი ბოლო 30 წლის განმავლობაში! ხელისუფლების ნებართვითა და ხელშეწყობით ოლიგარქების მიერ გატანილია 1 ტრლნ დოლარი, რომელიც რუსეთის ეკონომიკას, მის სახელმწიფოსა და სოციალურ სფეროს უნდა მოხმარებოდა!

როცა ელიტა ასე ექცევა საკუთარ სახელმწიფოს, –
ეს მეზობელ სახელმმწიფოს დამატებით ინფორმაციას აძლევს:
ეს მოცემულობა უნდა გაიაზრო და არ გახდე ამ
დიდი ქვეყნის მორიგი კრახის მსხვერპლი!

უფრო დაამცირო საკუთარი სახემწიფო, რასაც წლებია რუსეთს მისი ხელისულებები უკთებენ, – ძნელი წარმოსადგენია!

რუსეთში არაფერი შეიცვლება:
სახელმწიფო ვერ ახერხებს ხელისუფლების ცვლილებას კონსტიტუციური მექანიზმების გამოყენებით და კლანები საკუთარი მდგომარეობის შესანარჩუნებლად კიდევ უფრო დიდ მომსახურე ფუნქციას შეასრულებენ და საკუთარი კანდიდატის გასაყვანად უკვე “გადამუშავებული” კადრის სანაცვლოდ ახალ კადრს ათანხმებენ ქვეყნის გარეთ! 🙂
ეს უკვე რუსეთის ტრაგედიაა!

სამიოდე დღის წინ რუსეთის დუმამ მიიღო კანონი (უფრო
სწორად ძალაში დატოვა) საერთაშორისო სავალუო ფონდის მიერ ადრე რეკომენდირებული მითითებით:
ზემოგებები, მიღებული ენერგომატარებლების ექსპორტიდან არ უნდა მოხმარდეს რუსეთის ეკონომიკის განვითარებას, – ანუ არ უნდა ჩაიდოს რეალურ ეკონომიკაში! აბა, სად წაიღონო? სად და უნდა აფინანსონ აშშ და სხვა ქვეყნები მათი ფასიანი ქაღალდების შეძენის გზით, რასაც აკეთებენ კიდეც 30 წელია!

ეს უკვე ზემავნებლობა და უარესია – ეს რუსების
პერსპექტივის დასასრულია, თუ ასე გააგრძელებენ, თუმცა,
არ ჩანს, სისტემა რაიმეს ცვლილებას გეგმავდეს, სურდეს
ან შეეძლოს: კლანი კლანია, მძარცველია,
უპასუხისმგებლოა და დაუნდობელი: საკუთარ ქვეყანასაც
და კულტურასაც უზარმაზარი დარტყმის ქვეშ აყენებს.

ქართული სახელმწიფოს სტრატეგია ამ სიტუაციაში ისაა,
რომ მოცემულობას აღიქვამდეს ზუსტად და უშეცდომოდ
ახორციელებდეს საგარეო პოლიტიკას საკუთარი სახელმწიფოს უსაფრთხოების უზრუნველყოფის მიზნით და დისტანცირებული იყოს ამ პროცესებისგანაც და დამოკიდებულებებისაგან!

ქართული სახელწიფოს მომავალი არ არის დამოკიდებული არც რუსეთზე და არც ევროპაზე!
სხვაგან დევს გასაღები და ამაზე ჩემი მოსაზრებები
სხვადასხვა ფორმით არაერთხელ გამომითქვამს და ახლა, შეცვლილ გარემოებებში ამას დეტალურად ჩამოვაყალიბებ! ეს არ არის მხოლოდ აზრები – ჩემი შესაძლებლობის ფარგლებში ვმოქმედებ კიდეც!”