მიხეილ სააკაშვილის ჯანმრთელობის მდგომარეობასთან დაკავშირებით დღეს, 14 ნოემბერს კლინიკა „ვივამედის“ ექიმთა კონსილიუმი იმსჯელებს.
როგორც სააკაშვილის ადვოკატმა შალვა ხაჭაპურიძემ ნეტგაზეთს განუცხადა, კონსილიუმმა სააკაშვილისთვის რესპუბლიკურ საავადმყოფოში ჩატარებული კვლევის შედეგები უნდა განიხილოს. კერძოდ, მას რესპუბლიკურ საავადმყოფოში MRI (მაგნიტურ-რეზონანსული) კვლევა ჩაუტარდა.
„როგორც ჩვენთვის არის ცნობილი იმ კვლევასთან დაკავშირებით უნდა იმსჯელონ, რომელიც მას პარასკევს, როცა რესპუბლიკურ საავადმყოფოში იყო გადაყვანილი და რა შედეგებიც მოვიდა ამის კვლევა და გააანალიზება მოხდება ექიმების მიერ[…]
მორიგი კონსილიუმი არის და დაველოდოთ, რა იქნება. კვირის ბოლოს უნდა იყოს მარიამ ჯიშკარიანის ექსპერტთა ჯგუფის დასკვნა და ამაზე დაყრნობით გადავწყვეტთ ადვოკატები, რა გზებით მივმართოთ სასამართლოს“, – განაცხადა შალვა ხაჭაპურიძემ.
“ვივამედის” კლინიკური დირექტორი ზურაბ ჩხაიძემ 11 ნოემბერს დაადასტურად, რომ სააკაშვილი MRI კვლევაზე სხვა კლინიკაში იყო გადაყვანილი.
კითხვაზე, რა სახის კვლევა ჩაუტარდა სააკაშვილს და უკავშირდებოდა თუ არა ტუბერკულოზს, ჩხაიძემ უპასუხა, რომ კვლევა “არამხოლოდ” ტუბერკულოზთან დაკავშირებით ჩატარდა. ამასთან, მისი თქმით, კლინიკა ვივამედში საქართველოს ყოფილი პრეზიდენტისთვის შესაბამისი კვლევების ჩატარება “ტექნიკური მიზეზების გამო დღეს ვერ ხერხდებოდა”.
კომენტარები