რუსეთის პრეზიდენტი, ვლადიმერ პუტინი მომავალ კვირას, ბალიში G-20-ის ლიდერების სამიტს პირადად არ დაესწრება. ამის შესახებ ინდონეზიაში რუსეთის საელჩოს CNN-ს განუცხადა.
საელჩოს პროტოკოლის უფროსმა იულია ტომსკაიამ თქვა, რომ სამიტზე პუტინს რუსეთის საგარეო საქმეთა მინისტრი სერგეი ლავროვი წარადგენს. მისივე თქმით, პუტინს ჯერ კიდევ არ აქვს გადაწყვეტილი შეუერთდება თუ არა ერთ-ერთ შეხვედრას ონლაინ ფორმატში.
მანამდე მედია წერდა, რომ მოგზაურობის გაუქმების გადაწყვეტილების მიზეზი კრემლში არსებული შიში იყო, რომ დასავლელი ლიდერები პუტინს მოერიდებოდნენ, თავს აარიდებდნენ ან დაუპირისპირდებოდნენ უკრაინაში ომის გამო.
ღონისძიების წინ, დასავლეთის ქვეყნებმა და უკრაინამ მოახდინეს ზეწოლა ინდონეზიაზე, G20-ის სამიტის მასპინძელზე, რომ გააძლიეროს მოსკოვის ქმედებების დაგმობა, ასევე, მოუწოდეს სამიტზე პუტინის მიწვევა გაეუქმებინა.
კომენტარები